Qazırgı kezeŋdegı strategiialyq mındetterdıŋ bırı – Auǧanstandy öŋıraralyq bailanystarǧa belsendı tartu. Būl turaly ŪQŞŪ-ǧa müşe elder parlamentterı palatalarynyŋ spikerlerımen kezdesude Qasym-Jomart Toqaev aitty, dep habarlaidy “Adyrna” ūlttyq portaly.
«Qazaqstan tälıbter rejimın terrorlyq ūiymdar tızımınen alyp tastady. Öitkenı qazırgı Auǧanstanmen sauda-ekonomikalyq yntymaqtastyqty damytu maŋyzdy ärı bügıngı rejim ūzaqmerzımdı faktor bolady dep oilaimyz», – dedı Memleket basşysy.
Prezident būl mäselede ŪQŞŪ-ǧa müşe elderdıŋ özara kelısılgen ūstanymy boluy kerek ekenıne nazar audaryp, Almatyda Ortalyq Aziia men Auǧanstan üşın Ornyqty damu maqsattary jönındegı aimaqtyq ortalyq qūru turaly Qazaqstannyŋ bastamasyn qoldauǧa şaqyrdy.
Qasym-Jomart Toqaev qazırgı zamannyŋ syn-qaterlerıne qarsy äreket etu jüiesın jetıldıru qajet ekenın eskere otyryp, ŪQŞŪ küş-jıgerın ūiym jarǧysyna säikes müşe-memleketter üşın barynşa özektı ärı tiıstı jūmys baǧyttaryna jūmyldyrudy ūsyndy. Qazaqstan atalǧan mındetterdı Ūiymǧa töraǧalyq etu kezeŋınde basym baǧyt retınde belgıledı. Atap aitqanda, Prezident terrrorlyq qauıp-qatermen küresu jäne ŪQŞŪ-ǧa müşe elder azamattarynyŋ qauıpsızdıgın qamtamasyz etu üşın pärmendı şaralar qabyldau qajet dep sanaidy.
Aita keteiık, bügın Memleket basşysy ŪQŞŪ-ǧa müşe elder parlamentterı palatalarynyŋ spikerlerımen kezdestı.
Ūqsas jaŋalyqtar
Prezident Toqaev pen Si Szinpin Astanadaǧy kezdesu qorytyndysy boiynşa bırqatar qūjattarǧa qol qoidy
