Taraz mańyndaǵy joıqyn jarylysqa qatysty Qorǵanys mınıstrligi resmı jaýap berdi.
"Jambyl oblysy Baızaq aýdanyndaǵy áskerı bólimde saǵat 19:00 shamasynda qoımalardyń biriniń janynda órt shyqty. Atalmysh bólim Taraz qalasynan shamamen 18 shaqyrym qashyqtyqta ornalasqan. Órt saldarynan belgisiz zattar jaryldy. Órtti sóndirýge áskerı bólimniń shynjyrly órt sóndirý mashınalary tartyldy. Olarǵa Jambyl oblysynyń TJD órt sóndirý eseptoptary kómektesýde.
Órt oshaǵyn joıý jalǵasýda. Qazirgi ýaqytta órttiń shyǵý sebepteri anyqtalýda.
Oqıǵa ornyna mınıstrdiń orynbasary general-leıtenant Rýslan Shpekbaevtyń basshylyǵymen Qorǵanys mınıstrliginiń komıssııasy jiberildi" delingen jaýapta.
"Adyrna" ulttyq portaly
