Jarymjan balalardy bailap, qysym körsetkender jauapsyz qalmaidy. Keşe efirden körsetken materialǧa bailanysty qūzyrly organdar tekserıs bastady. Atyrauda mümkındıgı şekteulı balalardy azaptaǧan arnaiy ortalyqtyŋ basşysyna qataŋ sögıs jariialansa, tärbieşılerge qatysty tergeu jürgızılude.
Būl turaly «Euraziia» bırınşı arnasy habarlaidy.
ALFİIа TÖREǦALİEVA, ATYRAU OBLYSY JŪMYSPEN QAMTUDY ÜILESTIRU JÄNE ÄLEUMETTIK BAǦDARLAMALAR BASQARMASY BASŞYSYNYŊ ORYNBASARY:
"Qataŋ sögıs berıldı. Öitkenı özınıŋ lauazymdyq mındetterın jauapkerşılıkpen oryndamaǧany üşın. Qazırgı taŋda osy videoǧa bailanysty Atyrau oblysynyŋ tergeu jūmystary jürıp jatyr".
MEIIRIM ERDÄULET - ATYRAU OBLYSY POLİSİIа DEPARTAMENTINIŊ BASPASÖZ HATŞYSY:
"İnternattaǧy balalardy azaptau iaǧni olardy bailap ūstau jönındegı videoǧa bailanysty 31 şıldeden bastap Qylmystyq Kodekstıŋ 110 baby boiynşa sotqa deiıngı tergeu amaldary bastaldy. Alaida qazırgı taŋda qylmystyq ıske küdıktı retınde tanylǧan 2 tärbieşısı KoronoVirustyŋ infeksiiamen auyryp jatqandyqtan, olar em alyp jatqandyqtan säl toqtap tūr".
Esterıŋızge salsaq, Atyraudaǧy arnaiy ortalyq qyzmetkerlerı mümkındıgı şekteulı balalardyŋ aiaq-qolyn bailap, qysym körsetıp jatqan video äleumettık jelıde tarady. Anyqtalǧandai jantürşıgerlık kadrdy arnaiy äleumettık mekemenıŋ būrynǧy qyzmetkerı tüsırgen. Desek te, arnaiy ortalyq basşysy tärbieşıler mūndai qatygezdıkke barmaitynyn aityp, kerısınşe būrynǧy qyzmetkerdı aiyptap otyr. GÜLJAN QAZİEVA - №3 ARNAULY QYZMETTER KÖRSETU ORTALYǦYNYŊ BASŞYSY:
"Bızdıŋ ortalyqta ūrlyq faktısı oryn aldy. Keiınnen Ūlbikenıŋ būǧan qatysy baryn ekenın videodan körıp, anyqtap. IIŞ basqarmasyna talap, aryzdarymyzdy berdık. Keiınnen būl ıs boiynşa Sybailas jemqorlyqqa qarsy departamentımen tergep, tekserıp, qazır prokuraturaǧa joldandy".
