77 keli salmaqta óner kórsetetin grek-rım kúresiniń sheberi, qyrǵyz balýany Aqjol Mahmýdovty Qazaqstan atynan kúresýge shaqyrǵan. Bul týraly sportshynyń ákesi «Sputnik Qyrǵyzstan»-ǵa bergen suhbatynda aıtty, dep habarlaıdy «Adyrna» tilshisi.
«Almaty jáne Shymkent oblystarynan usynystar kelip tústi. Almatylyqtar Aqjolǵa úsh bólmeli páter, 3 myń dollar shákirtaqy, maǵan jaqsy jumys usyndy. Al qalǵan eki ulyma daıyndalý úshin jaqsy jaǵdaı jasap beremiz dep ýáde etken edi. Túrkııadan da usynystar boldy. Olar maǵan jeke eshteńe aıtqan joq, biraq deldaldar arqyly ulyma osy eldiń namysy úshin kúresýdi usyndy. 200 myń dollar tóleýge ýáde berdi. Bul oqıǵa 2017 jyly bolǵan edi.
Alaıda Aqjolda patrıotızm sezimi joǵary damyǵan. Ulym Otanyn jaqsy kóretinin jáne bul jerden eshqandaı aqsha ketpeıtinin kesip aıtty»,– dedi ol.
Aıta keteıik, Aqjol Mahmýdov grek-rım kúresinen Tokıo Olımpıadasynyń kúmis júldegeri atanǵan edi.
«Adyrna» ulttyq portaly
