Aqtóbe oblysyndaǵy barlyq aýdandarda sport kesheni salynady

2201
Adyrna.kz Telegram

Oblys ákimi Ońdasyn Orazalın sportpen jáne dene shynyqtyrýmen aınalysatyn  turǵyndardyń sanyn, onyń ishinde jastardy kóbeıtýdi tapsyrdy dep habarlaıdy "Adyrna" ulttyq portaly.

— Qolda bar sporttyq sekııalardy, klýbtardy barynsha tıimdi paıdalanyp, jańalaryn ashý qajet. Buqaralyq jáne balalar sporty jurtshylyqtyń qoly jetetindeı bolýy kerek. Soǵan nazar aýdarý qajet, — dedi oblys basshysy.

№4 oblystyq balalar men jasóspirimderdiń kúres boıynsha sport mektebiniń materıaldyq-tehnıkalyq qamtylýymen tanysyp shyqqan oblys ákimi balalardy osy sport túrimen qamtý úshin mektep aýmaǵynda taǵy bir ǵımarat salý týraly ótinishti qoldady. Óıtkeni aqtóbelikter arasynda  kúres sekııalaryna burynnan  joǵary suranys bar. Jyl sońyna deıin jobalyq-smetalyq qujattamany bekitý tapsyryldy.

№1 balalar men jasóspirimder sport mektebinde oblys basshysy quzyrly organdarǵa qabyrǵalardaǵy jaryqshaqtyń sebebin kidirtpeı anyqtap, eger ǵımarattyń qaýipsizdigine zııan keltirmese,  joıýdy tapsyrdy. Nysan 2016 jyly paıdalanýǵa berilgen.

Oblys basshysy abattandyrý jumystary aıaqtalyp qalǵan trıatlon parkin de qarap shyqty. Qazirgi tańda mundaǵy júgiretin jáne velosıped júretin joldar tolyǵymen daıyn, jaryq ornatyldy, sýarý júıesi jolǵa qoıyldy. Halyqtyń qalaýy boıynsha jaıaýlarǵa arnalǵan jol  da jasalady. Arka ispetti úlken LED-ekran ornatylady. Oblys ákimi trıatlon parkiniń aqtóbelikter úshin barynsha qolaıly qoǵamdyq keńistik bolýyn atap ótti.

— Jasyna nemese jyl mezgiline qaramastan munda bárine, ıaǵnı sportpen kásibı shuǵyldanatyndarǵa da, jaı jaıaý júrip qaıtqysy keletinderge de yńǵaıly bolýy  kerek. Barlyq sporttyq nysandarda qolaıly jaǵdaı jasap, halyqqa barynsha qoljetimdi etý qajet. Prezıdent tapsyrmasyna sáıkes buqaralyq sportty damytý — basym mindetterdiń biri, — dedi oblys ákimi O.Orazalın.

Búginde Aqtóbe oblysynda balalar men jasóspirimderge arnalǵan barlyǵy 32 sport mektebi jumys isteıdi, olarda 19 myńnan asa bala jattyǵady, taǵy 36 myń bala aýla klýbtaryna baryp júr. Bıyl balalar men jasóspirimderdiń sport mektepteriniń jattyqtyrýshy-oqytýshylarynyń shtaty kóbeıip, 105 adamǵa artty.

Barlyq aýdandyq balalar men jasóspirimder  sport mektepteriniń aýyldyq okrýgterde fılıaldary bar. Búginde 62 aýylda osyndaı fılıaldar jumys jasap tur. Balalar men jasóspirimder sport mektepteriniń materıaldyq-tehnıkalyq bazasyn nyǵaıtý úshin 2019 jyly 40 mıllıon teńge, al byltyr 115 mıllıon teńge bólingen.

Sportpen shuǵyldanǵysy keletin aqtóbelikter barlyǵy 1800-den asa sport nysanyna bara alady. Sonymen birge jańa sport nysandarynyń, sonyń ishinde deneshynyqtyrý-saýyqtyrý keshenderiniń qurylysy jalǵasýda.

Jyl basynan beri Aqtóbe qalasynda shańǵy rolleri trassasy men Oıyl aýylynda deneshynyqtyrý-saýyqtyrý kesheni paıdalanýǵa berildi. Qarǵaly, Temir, Muǵaljar, Hromtaý aýdandarynyń aýdan ortalyqtarynda, sonymen qatar Hromtaý aýdanynyń Kóktaý aýylynda bes deneshynyqtyrý-saýyqtyrý kesheniniń qurylysy jalǵasýda.

«Samuryq – Qazyna Trust-tiń» qoldaýymen Muǵaljar aýdanynyń Embi qalasynda balalar men jasóspirimderdiń sport mektebiniń janynan deneshynyqtyrý-saýyqtyrý keshenin turǵyzý bastaldy. Keler jyly oblystaǵy barlyq aýdandar deneshynyqtyrý-saýyqtyrý keshenimen qamtylady dep kútilip otyr.

Sondaı-aq bıznestiń áleýmettik jaýapkershiligi aıasynda Aqtóbede trıatlon parkiniń qurylysy aıaqtalyp, «Jumyspen qamtýdyń jol kartasy» aıasynda bıyl qozǵalys múmkindigi shekteýli jandarǵa arnalǵan sport keshenin jáne Jarqamys, Jarly, Jaǵabulaq pen Qurylys aýyldarynda tórt sport keshenin salý úshin qarjy bólý josparlanýda.

Qazirgi tańda Aqtóbe oblysy halqynyń 32 paıyzdan astamy dene shynyqtyrý jattyǵýlarymen jáne sportpen qamtylǵan.

 

"Adyrna" ulttyq portaly.

Pikirler