Bizden qarap edim, tappadym. Reseıde jasóspirimder arasynda sýııdtiń 20%-y mektep oqýshylarynyń ýnıversıtetke emtıhan tapsyratyn ýaqytynda bolady eken. Balalar jyl boıy emtıhanǵa daıyndalyp, oqýǵa túse almaıdy.
Biraq sabaqty 3-pen oqyp, grantty jeńip alǵan synyptastaryn kóredi. Bizdiń elde aqshamen bárin sheshýge bolady. Granttan bastap, oqýshylar olımpııadasyn da satyp ala alasyń. Bunyń bári Tursynbek sııaqty qaltaly adamdardyń aqshamen bárin sheshýge bolady degen tirlikterinen shyqqan. Túrkııada 3 jyl oqydym. Polıııada, aýrýhanada para berse bolatyn shyǵar. Biraq, bilim ordasynda bul múmkin emes.
Osydan kóresizder, erteń taǵy bir oqıǵa shyǵyp Tursynbektiń bul qylyǵyn da umytamyz. Tursynbektiń mashınasymen adam qaǵyp óltirse de eshteńe bolmaıdy. Áıeliniń fırmasynan tender ótkizip, zat alady. Tursynbekke eshteńe bolmaıdy. Ornynan da almaıdy. Efırden de qýmaıdy. Erteń ázil áleminiń jańa versııasy men KTA-nyń kezekti oıyndaryn júrgize beredi. Ary ketse keshirim suraýy múmkin. Osyndaı ynjyq halyqqa úńgirde turatyn jabaıysyńdar dese kijinep, úńgirdiń sýretin salamyz.
Osymen bitti. Kelesi Tursynbek sııaqty blatnoılar shyǵyp, "Altyn Belgi" men grantty satyp almasyn desek, qazirden bastap efırge ondaı adamdardy shyǵarmaý kerek. Efırge shyqqan adam jemqorlyq pen paraqorlyqqa ashyq barmaýy kerek. Ári basqalarǵa sabaq bolady.
Sábıt Rysbaevtyń
feısbýk paraqshasynan
