Jeksenbide Kabýl áýejaıynan ushýǵa tıisti barlyq kommerııalyq reıs toqtatyldy. Aerodromdy tek áskerı ushaqtar paıdalanady, dep habarlaıdy «Adyrna» tilshisi.
Kýágerlerdiń aıtýynsha, demalys kúni áýejaıda haos bastalyp, jolaýshylardyń bir bóligi áýejaıdan shyǵýǵa tyryssa, endi bir bóligi qoný alańyna qaraı qashqan.
«Pasporttyq baqylaý kabınalarynda eshkim bolǵan joq, adamdar ótetin týrnıketterdi syndyryp kirdi. Halyq elden ketý úshin sońǵy ushaqqa qaraı júgirdi. Dese de, ol sheneýnikterge toly boldy. Úlgere almadyq»,– deıdi Aýǵanstan azamatshasy.
Aıta keteıik, 15 tamyzda tálipter Kabýl qalasyn basyp alǵan edi. Qazirgi tańda eldiń barlyq derlik aýmaǵy sodyrlardyń baqylaýyna alyndy.
«Adyrna» ulttyq portaly
