Sport barshaǵa qoljetimdi bolady

3813
Adyrna.kz Telegram

Búgin qala ákimi M.Áıtenov dene shynyqtyrý jáne sport basqarmasynyń ókilderimen Shymkentte qoljetimdi jáne buqaralyq sportty damytý máselesin talqylady.

«Salaýatty ómir salty – deni saý ult qalyptastyrýdyń negizgi sharty». Osylaı dep málimdegen memleket basshysy Qasym-Jomart Toqaev buqaralyq jáne balalar sportyn damytý strategııalyq basymdyq ekenine nazar aýdardy.

Qalada 2021 jyldyń 6 aıynda dene shynyqtyrýmen jáne sportpen júıeli túrde shuǵyldanatyn azamattar sany 340 305 adam nemese qala turǵyndarynyń jalpy sanynyń 31,2 paıyzyn qurady.

Búginde Shymkent qalasynda memlekettik-jekeshelik áriptestik aıasynda 5 sporttyq klýb jumys isteıdi.

Atap aıtqanda, Mıras sport kesheni. Munda 5 pen 18 jas aralyǵyndaǵy balalar men jasóspirimder fýtbol men dzıýdo sekııasyna tegin qatysa alady.

Jańa fýtbol alańynda 13 jasqa deıingi balalarǵa arnalǵan respýblıkalyq jáne halyqaralyq týrnırler ótkizýge bolady. Jańa sport nysanynyń ashylýy kúzge josparlanǵan.

Sondaı-aq, bokstan álem chempony Birjan Jaqypovtyń «Álı sport» klýby da  boks pen dzıýdodan bolashaq chempıondardy tárbıeleýde. Munda 200 -ge jýyq bala sporttan tálim alyp júr. Jas sportshylardy alǵa qaraı qulshyndyrýshy - Birjan Jaqypovtyń ózi. Ol álem chempıony jáne Olımpıada oıyndaryna qatysýshy.

Sondaı-aq, qala ákimi Qyzyljar shaǵynaýdanyndaǵy sport kesheniniń qyzmetimen tanysty. Munda uldar men qyzdar boks, dzıýdo, grek-rım kúresi jáne karatemen tegin shuǵyldana alady. Klýb karate men kúresten alǵashqy chempıondaryn daıyndap shyǵardy.

Memleket basshysynyń Joldaýyna sáıkes, qazaqstandyqtardyń 35 paıyzy buqaralyq sportpen qamtylýy tıis. Osyǵan baılanysty qala aýmaǵynda árbir qala turǵynyn sportpen qamtý úshin kóptegen sport alańdarynyń qurylysy josparlanǵan.

Shymkent qalasy ákimdiginiń baspasóz qyzmeti

Pikirler