Qala ákiminiń kezekti halyqty qabyldaýy ótti

1090
Adyrna.kz Telegram

Shymkent qalasy ákiminiń azamattardy jeke máseleleri boıynsha onlaın qabyldaýyna kelgen N.Ashırov múgedek balasynyń saýyqtyrý ortalyqtarynda em alýyn, dárilerin alýǵa kómek berýdi surap keldi. Balaǵa bólingen vıtamınder, dáriler berilmeı kelgeni belgili boldy.

«Dárige qarajat qaralǵan. Múgedekter arbasy bar. Nege turǵynǵa berilmeı otyr? Eger kináli bar bolsa jazalanýy kerek. Turǵyndy búginnen qaldyrmaı jeke qabyldap, máseleniń mán-jaıyn anyqtańyz. Máseleni túbegeıli sheship, maǵan baıandańyz. Dári-dármekpen qamtamasyz etý salasynda olqylyqtar bar. Sony retke keltirińiz», - dep  óziniń birinshi orynbasaryna naqty tapsyrma berdi.

Al, Abaı aýdanynyń turǵyny D.Súleımenov Aqtas-2 shaǵyn aýdanynyń ınfraqurylym jáne aıaldama ornatý máselelerin kóterdi. Turǵynnyń talap-tilegin tyńdaǵan shahar basshysy shaǵyn aýdannyń gaz máselesi kelesi jyly sheshiletinin aıtty. Búginde qurylysqa qarjy bólinip, merdiger anyqtalyp jatyr. Al, sapaly aýyz sýmen qamtamasyz etý maqsatynda qurylys jumystary qyzý júrgizilýde. Atalǵan jumystar kúzde aıaqtalyp, jyl sońyna deıin turǵyndar sapaly aýyz sýmen qamtylatynyn atap ótti. Sonymen birge, ákim Murat Áıtenov tıisti sala basshysyna qyrkúıek aıynda aıaldama qoıyp berý jóninde tapsyrma berdi. Jumystardyń atqarylý barysyn kórý maqsatynda Aqtas-2 shaǵyn aýdanyna baryp, turǵyndarmen kezdesetinin aıtty.

Odan ózge, Ulaǵat shaǵyn aýdany E.Spataev kóshesiniń turǵyny sý men jaryqqa qatysty shaǵymyn jetkizdi. -    Sý qubyryna keler bolsaq, ol jerde standartqa saı emes qubyr bolǵandyqtan artyq qysymdy kótermeı aqaý oryn alyp jatyr. «Sý resýrstary – Marketıng» JShS-nyń ınvestıııalyq baǵdarlamasyna sáıkes, osy jyly tamyz – qyrkúıek aılarynda tozyǵy jetken aýyz sý qubyrlary jańartylatyn bolady. Jaryqtandyrý máselesi kúzde sheshimin tabady, - dedi qala ákimi. Eńbekshi aýdanynyń ákimi D.Esilbekke másele sheshimin tapqanǵa deıin jeke baqylaýyna alyp, turǵynmen kezdesýdi júktedi. Onlaın qabyldaý barysynda turǵyn úı, áleýmettik kómek, jer máselesi de sóz boldy. Qala ákimi turǵyndardyń aryz-shaǵymy nazardan tys qalmaı, zańdy jáne josparǵa saı sheshiletinin jetkizdi. Aýdan ákimderine turǵyn alaptardy aralap, bıyl jáne aldaǵy jyly jasalatyn jumystardy turǵyndarǵa júıeli túrde túsindirip otyrýdy tapsyrdy.

 

Pikirler