Shymkentte buqaralyq sport ınfraqurylymy qalyptasyp keledi. Bul jóninde qala ákimi Murat Áıtenov Prezıdenttiń tóraǵalyǵymen ótken Úkimettiń keńeıtilgen otyrysynda málimdedi. «Joldaýyńyzda jastardy sportqa kóptep baýlý máselesin aıtqan bolatynsyz. Qalada 890 sport nysany bar. Buqaralyq sportpen turǵyndardyń 31 paıyzy qamtylǵan.
Bıyl qalanyń shalǵaı eldi mekenderinde 115 ámbebap sport alańshalary salynady. 4 myńnan astam bala sport úıirmelerimen qamtylady»,-dedi ákim.Budan bólek, qaladaǵy kóp qabatty turǵyn úıler boıynsha 101 aýla jańartylady. Nátıjesinde kórsetkish 80 paıyzǵa jetetin bolady. Qala basshysy bul baǵyttaǵy jumystardyń jalǵasatynyn atap ótti.
