Elimizdiń eń jas Májilisimenderi Mádı Ahmetov pen Tilektes Adambekov Shymkentte arnaıy at basyn burdy. Is-sapar barysynda halyq qalaýlylary «Nur Otan» partııasy Shymkent qalalyq fılıaly janyndaǵy «Jastardy qoldaý» keńesiniń otyrysyna qatysty. Jıyn barysynda depýtattar jas kásipkerlermen tildesip, olardyń talap-tilekterin tyńdady.
Keńes otyrysyna Jastardy qoldaý jónindegi respýblıkalyq qoǵamdyq keńestiń tóraǵasy Mádı Ahmetov arnaıy qatysty. Tóraǵa aımaqtaǵy aıtýly máselelerge qulaq túrip, óz oıyn ortaǵa saldy. Jıynda azamattyq belsendilik, jastardy jumyspen qamtý jáne bıznesti órkendetý syndy taqyryptar qaraldy.
Mádı Ahmetov – QR Parlamenti Májilisiniń depýtaty
Sondaı-aq, halyq qalaýlylary M.Áýezov atyndaǵy OQÝ-dyń jańadan boı kótergen jataqhanasynyń qurylysymen tanysty. 5 qabatty stýdentter úıine depýtattar oń baǵa berdi. Jaýaptylardyń aıtýynsha, jataqhana aǵymdaǵy jyldyń qyrkúıek aıynda paıdalanýǵa beriledi dep josparlanýda.
Qaırat Nurmanbetov – M.Áýezov atyndaǵy OQÝ-dyń birinshi prorektory
Májilismender men qalalyq keńes músheleri is-saparyn Asar-2 turǵyn alabynda jalǵastyrdy. Ondaǵy jas otbasylar men jastarǵa berilgen páterlerdiń sapasymen tanysyp, turǵyndarmen tildesti. Óz kezeginde turǵyndar da muqtajdyqtarymen bólisti.
Aıgúl Qoralasbaeva – qala turǵyny
Jergilikti depýtattar turǵyndar ótinishi qyrkúıek aıynda oryndalyp, munda jańa sport alańshasy salynatyndyǵyn aıtty. Elordalyq ókilder úshinshi megapolıste kóterilgen máseleler jerde qalmaıtyndyǵyn jetkizdi.
Perızat Ortaı
