LDPR Reseı partııasynyń jetekshisi Vladımır Jırınovskıı Máskeýdegi Qyrǵyzstan elshiliginiń ǵımaratynda narazylyq akııasyn ótkizdi. Bul týraly ol óziniń Telegram kanalynda habarlady.
«Qyrǵyzstan elshiliginiń aldynda orystarǵa qysym kórsetý jaǵdaılarynyń qaıtalanýyna baılanysty narazylyq akııasyn ótkizýdemiz. Keshe ǵana Bishkekte bir qyrǵyz azamaty orys áıel kassırine óz ana tilinde sóılegeni úshin shabýyl jasady. Bir apta buryn olar orys jigitin mazaq etti", - dep jazdy Vladımır Jırınovskıı.
Saıasatker sondaı-aq Qyrǵyzstannan kelgen jumysshylar sanyn azaıtýǵa jáne eki memleket arasyndaǵy ekonomıkalyq baılanystardy álsiretýge shaqyrdy.
Esterińizge sala keteıik, Bishkekte mas adam «SMagic» oıynhanasynda jumys isteıtin qyzmetkerdiń birine shabýyl jasaǵan bolatyn. Klıentke kassırdiń oǵan orys tilinde qyzmet kórsete bastaǵany unamaǵan. Oqıǵaǵa baılanysty qylmystyq is qozǵaldy.
«Adyrna» ulttyq portaly
