Óńir basshysy Mahambet Dosmuhambetov oblystyń bas ımamy Altynbek Utyshanulyn qabyldady.
Bas ımam Qurban aıt merkesine qatysty atqarylyp jatqan jumystardy baıandady.
«Qazirgi kezde Qurban aıt meıramyna daıyndyq jumystary qyzý júrgizilip jatyr. Eldegi epıdemıologııalyq jaǵdaıǵa baılanysty, qurban shalý bıyl da qashyqtyqtan ótedi. Biraq, sanıtarlyq talaptardy qatań saqtaı otyryp, óz úıinde qurban shalatyndarǵa da múmkindik qarastyrylyp otyr. Ákimdiktiń qoldaýymen arnaıy shtab qurylyp, mal bazarlary tekserilip, qurbandyq shalý oryndary belgilendi»,-dedi A.Utyshanuly.
Bas ımamnyń aıtýynsha, 20-22 shilde aralyǵynda ótetin Qurban aıt kezinde halyq jappaı jınalatyn jerde qurbandyq shalýǵa tyıym salynǵanmen, dinı rásimdi árkimniń óz aýlasynda ótkizýge ruqsat etiledi. Sonymen qatar, et saqtaıtyn tońazytqyshtar daıyndalyp, muqtaj otbasylardyń da tizimi jasaqtalǵanyn aıtty.
«Byltyrǵydan tájirıbemiz bar. Qurban aıtty halyqtyń kóńilinen shyǵatyndaı etip durys uıymdastyrý — úlken jaýapkershilik»,-degen oblys ákimi Mahambet Dosmuhambetov atalǵan is-sharany oıdaǵydaı ótkizý kerektigin aıtty.
Sondaı-aq, ol Qurban aıt merekesine oraı atyraýlyqtardy quttyqtady.
