Aitysker, aqyn Ainūr Tūrsynbaeva bügınde qyz-kelınşekterge aqyly därıs jürgızıp, psihologiialyq keŋesın aityp jür. Äleumettık jelı arqyly oqyrmandarymen jaqyn bailanysta. Būl joly aitysker küieuı ekeuınıŋ ara qatynasy men mınezı jaily aitty.
"Men ajyrasqan soŋ Alladan dūǧa tıledım. Keşırım sūradym. Men öte köp künä jasaǧan adammyn. Men aşulanǧanda tılıme ie bola almaityn adammyn. Menıŋ auzymnan aq it kırıp, kök it şyǧady. Öte sabyrsyz adammyn. Eşkımnıŋ sözın kötere almadym. Maǧan syn aitsa, özıne jauap aituǧa daiyn tūratynmyn. Küieuımnen jeŋılmeuge tyrystym. Sol mınezım üşın, sabyrsyzdyǧym üşın keşırım sūradym", - dedı Tūrsynbaeva hanym.
Aitysker ajyrasqan äiel qaita tūrmysqa şyǧar aldynda özın özgertu kerek degen keŋesın aitty.
"Äiel ne sebeptı ajyrastym dep özıne sūraq qoisyn. Sızge nege jaman küieu jolyqty? Nege küieuıŋız ışımdık ışıp kettı? Sız qai jerde qatelestıŋız? Özıŋızdı özgertıŋız. Mınezıŋızdı jaqsartyŋyz. Sabyrly bolyŋyz. Būrynǧy qatelıkter qaitalanbasyn. Men Alladan keşırım sūrai otyra jaqsy küieu jolyqtyrşy dep dūǧa ettım. Sabyrly boludy üirendım. Küieuımdıkı dūrys emes bolsa da, ündemeitın boldym. Auzymdy jauyp alyp otyramyn. Basqa bölmege kırıp, esıktı jauyp alamyn. Sebebı jaman söz aityp qoiam ba dep qorqam. Eger ışıme syimai bara jatsa, sms-pen jazyp jıberemın de, aşuym tarqaǧanda öşırıp tastaimyn. Men aşudy osylai jeŋemın. Barlyq künä tılden. Tıldı tyiu kerek", - deidı ol.
Ainūr hanym ūnaityn zattaryŋyzdy küieuıŋızge aityp otyru artyq etpeidı deidı. Özı bılıp syilyq syilamasa, üiretıŋız dep keŋes berdı.
"Men joldasyma gülmen kütıp al dep aitam. 8 nauryz kelgende maǧan syilyq ber dep aitam. Bırnärse qalap tūrsam, sony alyp ber dep aitam nemese aqşasyn sūrap alyp, özım satyp alamyn. Sebebı syilyq jasau kerek ekenın, gül syilau kerek ekenın bılmeidı. Sız de üiretıŋız", - dedı Tūrsynbaeva.
Jelıdegı oqyrmandarynyŋ bırı būl pıkırmen kelısse, bırı kelıspeidı.
"Bılmei jatsa aitqan dūrys, ekınşı ret özı bılıp alyp beretın bolady", "Ony qoldan quyrşaq jasaudyŋ ne keregı bar?", "Öz nietımen bermegen syi syilyq bola ma?", "Er adamdar ondai ūsaq-tüiekke män bermeidı. Sondyqtan bılmeuı mümkın", "Menıŋ küieuım bärın aitpai-aq özı syilaidy", - dep jazdy olar.
Aityskerdıŋ qazırgı joldasy Nūrjan İmanäliev Jambyl oblysy Jaŋatas qalasynyŋ tumasy. 1983 jylǧy azamat aityskerden 6 jas kışı. Būǧan deiın Ainūr Tūrsynbaeva Şamsat İsabekovke tūrmysqa şyqqan.
Naǧima BARAQTYŊ
feisbuk paraqşasynan
Ūqsas jaŋalyqtar
