Instagrammdaǵy jurtshylyq Aınurdy mıllıondap qaraýynyń qupııasy nede?

8860
Adyrna.kz Telegram
Aıtysker, aqyn Aınur Tursynbaeva búginde qyz-kelinshekterge aqyly dáris júrgizip, psıhologııalyq keńesin aıtyp júr. Áleýmettik jeli arqyly oqyrmandarymen jaqyn baılanysta. Bul joly aıtysker kúıeýi ekeýiniń ara qatynasy men minezi jaıly aıtty.
"Men ajyrasqan soń Alladan duǵa tiledim. Keshirim suradym. Men óte kóp kúná jasaǵan adammyn. Men ashýlanǵanda tilime ıe bola almaıtyn adammyn. Meniń aýzymnan aq ıt kirip, kók ıt shyǵady. Óte sabyrsyz adammyn. Eshkimniń sózin kótere almadym. Maǵan syn aıtsa, ózine jaýap aıtýǵa daıyn turatynmyn. Kúıeýimnen jeńilmeýge tyrystym. Sol minezim úshin, sabyrsyzdyǵym úshin keshirim suradym", - dedi Tursynbaeva hanym.
Aıtysker ajyrasqan áıel qaıta turmysqa shyǵar aldynda ózin ózgertý kerek degen keńesin aıtty.
"Áıel ne sebepti ajyrastym dep ózine suraq qoısyn. Sizge nege jaman kúıeý jolyqty? Nege kúıeýińiz ishimdik iship ketti? Siz qaı jerde qatelestińiz? Ózińizdi ózgertińiz. Minezińizdi jaqsartyńyz. Sabyrly bolyńyz. Burynǵy qatelikter qaıtalanbasyn. Men Alladan keshirim suraı otyra jaqsy kúıeý jolyqtyrshy dep duǵa ettim. Sabyrly bolýdy úırendim. Kúıeýimdiki durys emes bolsa da, úndemeıtin boldym. Aýzymdy jaýyp alyp otyramyn. Basqa bólmege kirip, esikti jaýyp alamyn. Sebebi jaman sóz aıtyp qoıam ba dep qorqam. Eger ishime syımaı bara jatsa, sms-pen jazyp jiberemin de, ashýym tarqaǵanda óshirip tastaımyn. Men ashýdy osylaı jeńemin. Barlyq kúná tilden. Tildi tyıý kerek", - deıdi ol.
Aınur hanym unaıtyn zattaryńyzdy kúıeýińizge aıtyp otyrý artyq etpeıdi deıdi. Ózi bilip syılyq syılamasa, úıretińiz dep keńes berdi.
"Men joldasyma gúlmen kútip al dep aıtam. 8 naýryz kelgende maǵan syılyq ber dep aıtam. Birnárse qalap tursam, sony alyp ber dep aıtam nemese aqshasyn surap alyp, ózim satyp alamyn. Sebebi syılyq jasaý kerek ekenin, gúl syılaý kerek ekenin bilmeıdi. Siz de úıretińiz", - dedi Tursynbaeva.
Jelidegi oqyrmandarynyń biri bul pikirmen kelisse, biri kelispeıdi.
"Bilmeı jatsa aıtqan durys, ekinshi ret ózi bilip alyp beretin bolady", "Ony qoldan qýyrshaq jasaýdyń ne keregi bar?", "Óz nıetimen bermegen syı syılyq bola ma?", "Er adamdar ondaı usaq-túıekke mán bermeıdi. Sondyqtan bilmeýi múmkin", "Meniń kúıeýim bárin aıtpaı-aq ózi syılaıdy", - dep jazdy olar.
Aıtyskerdiń qazirgi joldasy Nurjan Imanálıev Jambyl oblysy Jańatas qalasynyń týmasy. 1983 jylǵy azamat aıtyskerden 6 jas kishi. Buǵan deıin Aınur Tursynbaeva Shamsat Isabekovke turmysqa shyqqan.
Naǵıma BARAQTYŃ 
feısbýk paraqshasynan
Pikirler