«Qazgıdromet» RMK Qazaqstannyń 9 oblysynda aýa raıyna baılanysty eskertý jarııalady.
10 tamyzda Nur-Sultanda jáne Kókshetaýda naızaǵaı oınaıdy.
Aqmola oblysynyń keı jerinde de naızaǵaı oınaıdy. Soltústik-batystan jel soǵady, kúshi keı jerde 15-20 m/s jetedi.
Pavlodar oblysynyń keı jerinde kúndiz nóser jańbyr jaýady. Keı jerde naızaǵaı oınap, burshaq jaýady, daýyl turady, túnde keı jerde tuman túsedi. Soltústik-batystan jel soǵyp, kúndiz ekpini 15-20 m/s-qa jetedi. Pavlodar qalasynda naızaǵaı oınap, túnde tuman túsedi, soltústik-batystan jel soǵady, kúndiz ekpini 15-20 m/s-qa jetedi.
Qyzylorda oblysynda tótenshe órt qaýpi saqtalady.
Aqtóbe oblysynyń ońtústiginde 10-12 tamyzda kúndiz 35-36 gradýsqa deıin aptap ystyq bolady, óte joǵary órt qaýipi saqtalady.
Atyraý oblysynyń keı jerinde 10 tamyz kúni kúndiz shyǵys, ońtústik-shyǵystan soǵatyn jel soǵyp, jyldamdyǵy sekýndyna 15-20 metrge jetedi. Atyraýda kúndiz 37-39 gradýsqa deıin aptap ystyq bolady.
Kúndiz Batys Qazaqstan oblysynyń ońtústik-batysynda 40 gradýs ystyq bolady. Keı jerde tótenshe órt qaýipi saqtalady. Oralda kúndiz 37 gradýs ystyq bolady. Túrkistan oblysynyń keı jerinde kúndiz shańdy daýyl turyp, soltústik-shyǵystan soǵatyn jeldiń kúshi 15-20 m/s-ke jetedi. Tótenshe órt qaýipi saqtalady.
Qaraǵandy oblysynyń keı jerinde naızaǵaı oınap, burshaq jaýady, daýyl turady. Soltústik-batystan jel soǵyp, kúshi keı jerde 15-20 m/s-ke jetedi. Keı jerde óte joǵary órt qaýpi saqtalady. Qaraǵandyda 10 tamyzda kúndiz naızaǵaı oınaıdy.
Soltústik Qazaqstan oblysynyń keı jerinde naızaǵaı oınap, burshaq jaýady, daýyl turady. Soltústik-batystan jel soǵyp, keı jerde kúshi 15-20 m/s-ke jetedi.
Petropavlda 10 tamyzda naızaǵaı oınaıdy. Soltústik-batystan jel soǵyp, kúndiz ekpini 15-20 m/s-ke jetedi.
