Ündıstan Ūlybritaniia koroldıgınıŋ otary bolyp tūrǧan kezde bır aǧylşyn ofiserı bazarda susyn satyp jürgen bır ündımen kerısıp qalyp, bır-bırıne qol köteruge deiın barypty. Aşudan tütıgıp bölımşesıne jetıp komandirıne "jerın basyp alyp, özderın baǧyndyrsaq ta qalaişa bızge qarsy şyǧuǧa dätterı barady?" dep şaǧymdanǧan ǧoi.
Bastyǧy tyŋdap bolyp oǧan: "qazır bazarǧa qaityp bar da ony tauyp alyp, sen batyl, erjürek ekensıŋ dep arqasynan qaǧyp, maqta da, saudasyn ūlǧaitu üşın bıraz aqşa ber" deidı.
Bırşama uaqyttan soŋ komandirı ofiserdı şaqyryp: ,,ötkende men aitqandai ıstedıŋ ba" deptı. ,,İä, ıstedım". ,,Onda bar da, ony myqtap tūryp saba".
Ofiser bazarǧa kelse, älgı adam taǧy 4-5 jerden sauda nüktelerın aşyp tastaǧan, jūmysyn jürgızetın adamdar jaldaǧan, saudasy şalqyp jürıp jatyr eken. Ofiserdı körıp, jügırıp qasyna jetkende, būl söz aitpastan jaqtan tartqan ǧoi. Anau ün qatpapty. Taǧy bır-ekı şapalaq jıberse, basy salbyrap sol küiı tūr deidı ündemesten. Qatty taŋ bolǧan ofiser komandirıne kelmei me, nege būndai bolyp qaldy dep. Sonda komandirı:
,,Sen bırınşı ret ūrǧanda onda özınıŋ ar-namysynan basqa eşteŋe joq edı, ol sol özınde bar aryn, namysyn qorǧady. Al qazır ol baiydy, dünie-mülkı bar, saǧan qarsylasuǧa sol düniesınen aiyrylyp qalamyn dep qoryqty. Qysqasy ar-namysty düniege aiyrbastap jıberdı" degen eken.
Qazır aramyzda, köz aldymyzda qanşa keudesınde äiteuır jany bar, basqasynyŋ bärın joǧaltqan pendeler jür. Aryn, namysyn, tıptı ūltynyŋ müddesın aqşaǧa, kresloǧa aiyrbastap jıbergen.
Äsırese öz, qaraköz jūmysşymyzdyŋ şaǧymdaryna pysqyrmai, şetel investorlarynyŋ aldynda qūrdai jorǧalaityn basşylardy körgende, Analardyŋ qolyn qaiyryp, süirep bara jatqan küştık qūrylym qyzmetkerlerın körgende, älgı ündılıktıŋ beinesı erıksız köz aldyŋa keledı eken.
Ramazan AJNİIаZOVTYŊ
feisbuk paraqşasynan
Ūqsas jaŋalyqtar
