Úndistan Ulybrıtanııa koroldiginiń otary bolyp turǵan kezde bir aǵylshyn ofıeri bazarda sýsyn satyp júrgen bir úndimen kerisip qalyp, bir-birine qol kóterýge deıin barypty. Ashýdan tútigip bólimshesine jetip komandırine "jerin basyp alyp, ózderin baǵyndyrsaq ta qalaısha bizge qarsy shyǵýǵa dátteri barady?" dep shaǵymdanǵan ǵoı.
Bastyǵy tyńdap bolyp oǵan: "qazir bazarǵa qaıtyp bar da ony taýyp alyp, sen batyl, erjúrek ekensiń dep arqasynan qaǵyp, maqta da, saýdasyn ulǵaıtý úshin biraz aqsha ber" deıdi.
Birshama ýaqyttan soń komandıri ofıerdi shaqyryp: ,,ótkende men aıtqandaı istediń ba" depti. ,,Iá, istedim". ,,Onda bar da, ony myqtap turyp saba".
Ofıer bazarǵa kelse, álgi adam taǵy 4-5 jerden saýda núktelerin ashyp tastaǵan, jumysyn júrgizetin adamdar jaldaǵan, saýdasy shalqyp júrip jatyr eken. Ofıerdi kórip, júgirip qasyna jetkende, bul sóz aıtpastan jaqtan tartqan ǵoı. Anaý ún qatpapty. Taǵy bir-eki shapalaq jiberse, basy salbyrap sol kúıi tur deıdi úndemesten. Qatty tań bolǵan ofıer komandırine kelmeı me, nege bundaı bolyp qaldy dep. Sonda komandıri:
,,Sen birinshi ret urǵanda onda óziniń ar-namysynan basqa eshteńe joq edi, ol sol ózinde bar aryn, namysyn qorǵady. Al qazir ol baıydy, dúnıe-múlki bar, saǵan qarsylasýǵa sol dúnıesinen aıyrylyp qalamyn dep qoryqty. Qysqasy ar-namysty dúnıege aıyrbastap jiberdi" degen eken.
Qazir aramyzda, kóz aldymyzda qansha keýdesinde áıteýir jany bar, basqasynyń bárin joǵaltqan pendeler júr. Aryn, namysyn, tipti ultynyń múddesin aqshaǵa, kresloǵa aıyrbastap jibergen.
Ásirese óz, qarakóz jumysshymyzdyń shaǵymdaryna pysqyrmaı, shetel ınvestorlarynyń aldynda qurdaı jorǵalaıtyn basshylardy kórgende, Analardyń qolyn qaıyryp, súırep bara jatqan kúshtik qurylym qyzmetkerlerin kórgende, álgi úndiliktiń beınesi eriksiz kóz aldyńa keledi eken.
Ramazan AJNIIaZOVTYŃ
feısbýk paraqshasynan
