Qazaqstan Respublikasynyŋ Qorǧanys ministrlıgıne arnaiy saualdarymyzdy joldap, oǧan tiıstı jauaptar aldyq. Sūraqtar men jauaptar rettılıgın özgertpesten berıp otyrmyz.
Qazaqstan rezervtık äskeri jüienı engızudı josparlauda. 2024 jyly alǧaşqy rezervister şaqyrtylmaq. Atalmyş jüie qalai jūmys ısteidı? Jylyna qanşa rezervtegı äskerdı şaqyru josparda bar? Jobaǧa jylyna qanşa qarjy bölınedı?
Rezervtegı qyzmet aumaqtyq prinsipı boiynşa (tūrǧylyqty jerı boiynşa) kelısım şart boiynşa äskeri qyzmettı, azamattyŋ negızgı jūmysyn jäne Qaruly Küşterdegı qyzmetın qosa atqaru, eŋbek jalaqysyn saqtauyn, qosymşa aqşalai tölemderın jäne jeŋıldıkterdı berudı bıldıredı.
Rezervşıler oquda jäne äskeri jiyndarda bolǧan merzımde äskeri qyzmetşı märtebesıne ie bolady.
Aitylǧan azamattar sanatyn daiarlau, jauyngerlık daiarlyq baǧdarlamasy boiynşa aiyna bır-ekı sabaq jäne oqytu baǧdarlamasyna säikes bölımşelerdı üilestıru üşın jiyn (oqu-jattyǧu) (jylyna bır ret 30 künge) şaralaryn ötkızu esepke ala otyryp, jylyna 60 (alpys) kün şamasynda ötkızuge ūsynylady.
Ai saiyn, jiyndar ötu merzımın almaǧanda, rezervşıge Qazaqstan Respublikasy boiynşa eŋ tömen eŋbek jalaqy (42 500 teŋge) tölenedı.
Al jiyndar ötkızu merzımınde aqşalai qarajattar rezevşınıŋ orta ailyq eŋbek jalaqysy mölşerınde tölenedı.
Odan basqa, rezervşıler mynadai jeŋıldıktermen qamtamasyz etıledı:
1) sabaqtar men jiyndarǧa qatysu uaqytynda jūmys ornynyŋ saqtaluy;
2) normalarǧa säikes, kiım-keşek mülıkterımen qamtamasyz etıluı;
3) sabaqtar men jiyndarǧa qatysu uaqytynda tamaqpen, medisinalyq qamsyzdandyru;
4) rezervtegı qyzmetten alatyn kırısterdı salyqtan bosatu;
5) qaza bolǧan, mügedektıktı anyqtaǧan, zaqymdanǧan jaǧdaida, jerleu şyǧyndaryna ötemaqysymen.
Rezervtegı qyzmettı kezeŋ-kezeŋımen engızu josparlanuda. Bastapqy kezeŋde (2024-2025 jyldary) QR-nyŋ ekı-üş oblystarynda 5000-nan astam azamatpen kelısımşart jasau josparlanuda. Ärı-qarai, rezervtegı qyzmettıŋ köpşılıkke taraluyna, sonymen bırge aqşalai qarajattyŋ bölınuıne qarai, tūraqty negızde ötkızıledı.
Qazaqstan əskerı koronaviruspen küresu barysynda qandai qyzmetter atqaruda?
2020 jyldyŋ nauryz aiynda, elde tötenşe jaǧdai engızılgennen bastap, Qaruly Küşterdıŋ äskeri qyzmetşılerı koronavirustyq infeksiiamen küresuge, Qala köşelerı men äleumettık maŋyzy bar obektılerdı dezinfeksiialauǧa, patruldeu men sanitarlyq blokposttardy ūiymdastyruǧa bırden tartyldy.
Nūr-Sūltan, Almaty, Taldyqorǧan, Üşaral qalalarynda tört äskeri-emdeu mekemesı koronavirustyq pandemiiamen küres boiynşa infeksiialyq stasionarlar retınde qaita jabdyqtaldy. Olar infeksiialyq jäne provizorlyq stasionarlar retınde paidalanyldy.
Sondai-aq, Almaty oblysynda qysqa merzımde, 72 saǧat ışınde Tarazdan köşırılgen şatyrly lagerı bar jyljymaly gospital ornalastyryldy. Ol 100 tösek-orynǧa eseptelgen jäne rentgen jabdyqtarymen, ökpenı jasandy jeldetu apparattarymen, ottegı ballondarymen jabdyqtalǧan.
Sonymen qatar, Aqtöbede medisinalyq keşen, äskeri lazaretterde ekı mobildı bölımşe jäne 23 därıgerlık-meiırbikelık brigada qūryldy.
Pandemiianyŋ basynan berı biudjet qarajatynsyz Nūr-Sūltan jäne Almaty qalalarynda ekı PTR-zerthanasy ıske qosyldy, PTR jäne İFT-diagnostikasyn jürgızu mümkındıgı bar ekı mobildı zerthana satyp alyndy, olar Aqtau jäne Semei qalalarynda jūmys jasauda. Medisinalyq mekemelerdıŋ ştaty infeksionist-därıgerlermen, epidemiologtarmen jäne virusologtarmen tolyqtyryldy.
Taldyqorǧan, Aiagöz, Semei jäne Saryözek äskeri lazaretterınde tört infeksiialyq izoliator qūrylyp, jūmys ısteude. Densaulyq saqtaudyŋ azamattyq sektory müddesınde koronavirus infeksiiasy bar nauqastardy qabyldau jäne emdeu üşın aǧymdaǧy jyldyŋ säuır aiynan bastap jalpy syiymdylyǧy 300 tösek-oryn bolatyn Nūr-Sūltan jäne Almaty qalalaryndaǧy äskeri gospitaldar ıske qosyldy.
Qazırgı uaqytta, qajet bolǧan jaǧdaida zaŋnamada belgılengen tärtıppen Qaruly Küşterdı qoldanudy medisinalyq qamtamasyz etu üşın 2 300-den astam äskeri qyzmetşını, blokpostar men patruldeu üşın – 4 500 adamdy jäne dezinfeksiialau ıs-şaralary üşın 1 000-nan astam adamdy jūmyldyruǧa bolady.
Qorǧanys salasynda jaŋa qaru türlerın alu boiynşa jasalyp jatqan kelısımder turaly aitsaŋyz. Qoǧamda keŋınen talqylanyp jürgen soqqy jasauşy Türkiia drondaryn alu boiynşa Ankaramen kelısım bar ma?
Qorǧanys ministrlıgı qyzmetınıŋ basym baǧyttarynyŋ bırı Qaruly Küşterdı soŋǧy ülgıdegı qaru-jaraqpen jäne äskeri tehnikamen jaraqtandyru bolyp tabylady.
Būl baǧyttaǧy jūmys ūdaiy jürgızıledı. Qaruly Küşterdıŋ aldynda tūrǧan basym mındetterge säikes äskerlerdı qazırgı zamanǧy, joǧary tehnologiialyq qaru-jaraqpen jäne äskeri tehnikamen jaraqtandyru josparlanuda.
Qaruly Küşterdı jaraqtandyrudy josparlau kezınde negızgı küş-jıger aviasiialyq tehnika parkın, onyŋ ışınde äskeri-kölık aviasiiasyn, ŪŪA, ÄŞQQ, REB, barlau, bailanys, RHBZ jäne robototehnika qūraldaryn jaŋartuǧa baǧyttalǧan.
Būl rette Qaruly Küşterdı qazırgı zamanǧy qaru-jaraqpen jäne äskeri tehnikamen jaraqtandyru jaŋa ülgılerdı satyp alu jolymen de, sol siiaqty jaraqtandyruda tūrǧan jäne paidalanu resursyn ūzartuǧa mümkındık beretın belgılı bır tehnologiialyq qory bar tehnikaǧa kürdelı jöndeu jürgızu jäne jaŋǧyrtu arqyly da jüzege asyrylady.
Sonymen qatar, jetkızuşılermen jäne öndıruşılermen şarttardy uäkılettı memlekettık organ atynan İndustriia jäne infraqūrylymdyq damu ministrlıgı jasasady.
QR QM qaruly küşterdı ärtürlı maqsattaǧy ūşqyşsyz ūşu apparattarymen, onyŋ ışınde Türkiiada jasalǧandarymen jabdyqtau qarastyryluda. Osyǧan bailanysty jan-jaqty zerdeleu maqsatynda qoiylatyn talaptardy qanaǧattandyratyn oŋtaily ülgını taŋdau üşın qaru-jaraq naryǧynyŋ monitoringı ūiymdastyryldy.
Qaruly Küşterdı jaraqtandyru üşın barlau-soqqy beşsyz ūşu qūrylǧylarynyŋ ülgılerın taŋdau jönındegı şeşım: qaru-jaraq naryǧynyŋ monitoringı, tiıstı mamandardy saraptamalyq taldau jäne vedomstvoışılık keŋesşı organnyŋ qarauy räsımderı aiaqtalǧannan keiın qabyldanatyn bolady.
Qazaqstan əskerın bıtımgerlık missiiamen Auǧanstandaǧy jaǧdaidyŋ kürt naşarlauyna bailanysty təjık-auǧan, türkımen-auǧan, özbek-auǧan şekarasyna jıberudı ŪQŞŪ (ODKB) nemese memleketaralyq kelısımder jasau oilastyryla ma?
ŪQŞŪ-ǧa müşe memlekettermen ratifikasiialanǧan normativtı qūjattarǧa säikes ūjymdyq qauıpsızdık jüiesınıŋ qūraldary men küşterı egemendıgıne, tūraqtylyǧyna jäne aumaqtyq tūtastyǧyna qauıp tönıp tūrǧan bır nemese bırneşe müşe memlekettıŋ resmi sūranysy negızınde Ūjymdyq qauıpsızdık keŋesınıŋ şeşımımen qoldanylady.
Būl rette Qazaqstan ūlttyq zaŋnamaǧa säikes özınıŋ äskeri kontingentın ŪQŞŪ-nyŋ ūjymdyq küşterınıŋ qūramynda, sondai-aq BŪŪ (OON) baǧyty boiynşa (BŪŪ QK mandaty bolǧan jaǧdaida) QR Parlamentınıŋ şeşımımen ǧana jıberedı.
"Adyrna" ūlttyq portaly
