2 tamyzda Nūr-Sūltanda jaŋa karantindık şekteuler küşıne endı. Qalanyŋ bas memlekettık sanitarlyq därıgerınıŋ qaulysyna säikes, bırqatar ūiymdar men obektılerde ştattyq rejimde jūmysqa COVID-19-qa qarsy vaksina almaǧan qyzmetkerlerdıŋ jūmysyna şekteu (tūraqty medisinalyq qarsy körsetılımderı bar jäne soŋǧy üş aida KVİ-men auyrmaǧan adamdardy qospaǧanda) qoiylady, dep habarlaidy "Adyrna".
Olardyŋ qatarynda: halyqqa qyzmet körsetu ortalyqtary, memlekettık organdar men ūiymdar, öndırıs oryndary, qūrylys obektılerı, köterme jäne bölşek sauda, mädeniet pen demalys, qonaq üiler, äuejailar, vokzaldar, bılım beru jäne oqytu ūiymdary, densaulyq saqtau, şipajailar, oiyn -sauyq mekemeler, därıhanalar jäne t.b.
Sonymen qatar, jūmys beruşıler memlekettık organdardyŋ, keŋselerdıŋ, ūlttyq kompaniialardyŋ jäne basqa da ūiymdardyŋ qyzmetkerlerınıŋ 80% -yn qaşyqtyqtan jūmysqa auystyruy tiıs.
Erekşelıkter tek soŋǧy üş ai ışınde vaksinasiialanǧan jäne auyratyndarǧa qatysty. Bas sanitarlyq därıgerdıŋ qaulysyna säikes, 2021 jyldyŋ 10 tamyzyna deiın jūmysşylar bırınşı komponentpen, al 2021 jyldyŋ 1 qyrküiegıne deiın - COVID -19 vaksinasynyŋ ekınşı komponentımen (ekpe alǧan adamdardy qospaǧanda) immunizasiialanuy tiıs.
Nūr-Sūltandaǧy şekteu jäne karantindık şaralardy qataŋdatu turaly qauly Qazaqstan Respublikasynda koronavirustyq infeksiianyŋ paida boluyn jäne taraluyn boldyrmau üşın MAB otyrysynyŋ hattamasyna säikes qabyldandy.
"Adyrna" ūlttyq portaly
Ūqsas jaŋalyqtar
