Tashkenttegi Glamour býtıginiń ákimshiligi ınstagramdaǵy paraqshasynda ıtalıandyq dızaıner Stefano Rıchchıdiń kollekııasyna baılanysty keshirim surady. Buǵan deıin býtık ákimshiligi Ózbekstannyń gerbi beınelengen aıaq kıimniń jańa kollekııasy týraly habarlandyrý jasaǵan bolatyn dep habarlaıdy "Adyrna" ulttyq portaly "centralasia.media-ǵa" silteme jasap.
Italıandyq dızaıner Stefano Rıchchı buǵan deıin Ózbekstanǵa arnalǵan kollekııasyn jarııalaǵan bolatyn. Janjal ıtalıandyq dızaınerdiń aıaq kıimge Ózbekstannyń memlekettik rámizin ornalastyrýyna baılanysty týyndady. Bul áleýmettik jelilerde narazylyq týdyrdy. Ózbekstan Ádilet mınıstrligi respýblıkanyń memlekettik rámizderin qorlaýǵa jol berilmeıtini týraly málimdeme taratty.
Al Glamour býtıginiń ákimshiligi: «Biz bul jaǵdaıǵa shyn júrekten ókinemiz jáne elimizdiń rámizderi beınelengen elementteri bar krossovkalardyń kez kelgen modeline tapsyrys berýden bas tartamyz»,-dep jazdy.
Satýshylar bul kollekııa eshqashan bólshek saýdaǵa arnalmaǵanyn, ony tek aldyn ala tapsyrys boıynsha alýǵa bolatynyn aıtty. Sondaı-aq olar bolashaqta mundaı dúnıelerdi eskerýge ýáde berdi.
«Barlyqtaryńyzdyń reakııalaryńyzǵa raqmet! Bul biz úshin óte qundy », - dep jazdy Tashkent býtıginiń ákimshiligi.
"Adyrna" ulttyq portaly.
