29 shildede «Aqtóbe – Nókis» baǵyty boıynsha jańa áýe qatynasy ashylǵan bolatyn. Osy oraıda Aqtóbege Nókisten alǵashqy reıs kelip, jolaýshylardy aqtóbelikter saltanatty túrde qarsy aldy dep habarlaıdy "Adyrna" ulttyq portalynyń tilshisi.
QR Premer-Mınıstri Asqar Mamın Ózbekstan Respýblıkasynyń kólik mınıstri Ilhom Mahkamovpen kezdesý barysynda eki eldiń arasynda, onyń ishinde Aqtóbe men Nókistiń arasyna áýe reıs ashý týraly kelisimge kelgen bolatyn.
Atalǵan kelisim aıasynda alǵashqy reıs búgin Aqtóbedegi Á.Moldaǵulova atyndaǵy halyqaralyq áýejaıǵa kelip toqtady.
Áýejaıdyń basqarma tóraǵasy Dastan Malıevtiń aıtýynsha, alǵashqy reıspen Nókisten 123 jolaýshy kelgen. Áýe qatynasyn Uzbekistan Airways áýe kompanııasy júrgizedi. Bılet baǵasy 40 myń teńgeden bastalady.
— Jalpy bul áýe qatynasy «Aqtóbe -Nókis-Tashkent» baǵyty boıynsha ushady. Ushaq bıletteriniń baǵasy qoljetimdi. Máselen, Aqtóbeden Nókis qalasyna deıingi bılet baǵasy 40 myń teńge kóleminde bolsa, Aqtóbeden Tashkentke deıingi bılet quny — shamamen 60 myń teńge, — deıdi ol.
Oblys ákiminiń keńesshisi, Q.Jubanov atyndaǵy Aqtóbe óńirlik ýnıversıtetiniń doenti Jumabaı Atanııazov Aqtóbeden Nókiske qaraı ushatyn ushaqqa bılet alǵan.
Onyń aıtýynsha, 2019 jyly oblys ákimi Ońdasyn Orazalın Qaraqalpaqstanǵa barǵan jumys saparynda eki óńir arasyna reıs ashý máselesin kótergen. Mine, sol másele sheshilip, eki el arasy jaqyndaı tústi.
Aıta ketý kerek, reıster aptasyna bir ret, beısenbi kúni, Airbus A320 jaıly bıznes-ekonom-konfıgýraııasy bar ushaqtarda júzege asyrylady. Aldaǵy ýaqytta ushý jıiligi kóbeıtilmek.
Sondaı-aq tamyz aıynan bastap aptasyna Aqtóbeden eki ret «Aqtóbe-Tbılısı» baǵytyndaǵy reıs iske qosylady.
"Adyrna" ulttyq portaly.
