Bügın taŋerteŋmen mynadai postqa tap keldım.
Jalpy qoǧamda bolyp jatqan närselerge, äsırese äleumettık jelıde qoǧam būzyldy, bızge ne boldy degen köptegen jazbany oqisyz...
Eger būny zerttesek köptegen negativ, ūrys kerıs posttar ia tünde, ia kündız tüsten keiın jazylatynyn baiqaityn şyǧarmyz... Äleumettık zertteuşıler nazar audararlyq närse..
Ūiqysy būzylǧan adamnyŋ oiy toqyraidy, miyna jaqsy eşteŋe kırmeitın, ızdenıs pen oilau qabıletınen airylǧan aşulanşaq bolady, sondyqtan ǧylym-bılım degennen görı jeŋıl närsege äuestık paida bolady..
Al AQŞ ǧalymy Metiu Uolkerdıŋ aitqanyn maǧynasyn özgertpei şamaly öŋdep jazsaq, mäŋgürttıkten bölek "Eger sızdıŋ ūiqyŋyz būzylsa sız mındettı türde virus jūqtyrasyz, ol örşidı jäne vaksinadan da qaiyr bolmauy mümkın".
Al eger bütındei qoǧamnyŋ, eldıŋ ūiqy-sergektık rejimın būzsaq şe?
"Ondai halyq ǧylym da, bılım de, atom qaruy men süŋguır qaiyq ta kerek emes, eşteŋenı qajet etpeitın, öz basymen özı qaiǧy, eşkımge kerek emes, tıptı özıne özı qajet emes tobyr ūltqa ainalady".
Būl endı Reseide hronobiolog ǧalym V.Aprelevtıŋ 2013 jyly aitqany.
Menıŋşe būndai ūlttyŋ armany ışıp jeu men oiyn-sauyq, maqsaty bırın bırı kündeu men jündeu, ızdegenı ösek aiaŋ bolady..
Eger älem memleketterınıŋ uaqyt ölşemın būzu mümkındıgın berse, onda olardyŋ tek uaqytyn alǧa bır üş saǧat jyljytyp qana bas aiaǧy 100 jyldyŋ ışınde Amerika, Japoniia, Germaniia, İzrail, Oŋtüstık Koreia men taǧy basqa ǧylym bılımı men öndırısı damyǧan elderdıŋ halqyn mäŋgürt, qolynan eşteŋe kelmeitın ūlt qylyp beruge bolady jäne de būl qaljyŋ emes, öitkenı ǧylym "qyrta" bermeidı...
Aitpaqşy alysqa barmai-aq qoiaiyq, Özbekstannyŋ uaqyt ölşemı dūrys...
Bolat NŪRQOJAEVTYŊ
feisbuk paraqşasynan
Ūqsas jaŋalyqtar
