BEKBOLAT QARJAN: Tehnologııa bolsa álem ýysyńda, tehnologııa bolmasa otar elsiń!

3454
Tehnologııa qazaq balasyna kerek. Tehnologııa qudiretti dúnıe. Kimniń qolynda tehnologııa bar, sol ózin qorǵaıdy.
Mysaly, kishkentaı ǵana shýrýptyń ınjenerlik syzbasy orasan oılaýdy, mıdyń jumys kúshin talap etedi. Árbir elementi muqııat esepteledi. Standartqa saı etiledi. Muny eseptep, syzǵan, jasaǵan adam túsine alady. Bul tehnologııa jasaýdyń mıllıonnan bir bóligine jatady. Bul mıdyń jumysy. Qazaq balasy tehnologııa jasaǵysy kelse, bárin jınastyryp, mıdyń jumysyna kóshýi kerek. Áıtpese tehnologııa túgili tas ta joq.
Elde praktıka júzinde tehnologııalyq salaǵa qarjy quıatyn ınvestorlar shyqsa jaqsy bolar edi. Eger adal mıllıarderi men esi durys baılary bolsa, ótken 30 jylda bul progress iske asýy kerek edi. Eger olar ury bolsa, olar bul salaǵa eshqashan qarjy quımaıdy. Eger adalynan tapsa, onda olar qarjy quıady. Adal eńbekpen tabylǵan dúnıe adal ıdeıalarǵa jumys jasaıdy.
Qazaqsha tehnologııa jasaý janashyr ınvestorlar shyqsa ǵana bastalar edi. Eger de osylaı jasasa, nebir daryndy, tehnokrat jastar qaptap shyǵady. Oǵan kúmán joq. Ýot, odan keıin ıdeıasy bar ǵulamalardy osy alańǵa tarta ber. Talaı myqty topty jarady. Talaı myqty báıgege túsedi. Irikte sosyn ishinen. Qazaq balasy tehnologııa jasamasa, otar bolyp ketýi múmkin. Tehnologııa qazaq tilinde jasalsa, til ǵylym tiline aınalyp, otarlyqtan bosaıdy. Til ǵylymnyń tiline aınalmaı, qazaq elinde damý bolmaıdy. Bul aksıoma.
Til ǵylymnyń tiline aınalýy úshin, sol tilmen ǵylym jasalýy kerek. Ony jasaýǵa bolady. Ǵylymnyń tiline aınalǵan tilden ǵana ulttyq brend shyǵady. Nıet bolsa ol jasalady. Ózge jurtty ózińe ulttyq ǵylymyńmen ǵana moıyndatyp, syılata alasyń. Ulttyq zamanaýı qundylyq, órkenıet básekesi tek seniń tiliń men ulttyq bolmysyńnan shyqqan qundylyqpen ǵana ómirge keledi. Japon, nemis, káris, evreı, amerıkan, aǵylshyn bári de osylaı jasap otyr.
Eeee, qazekem, bir birimizdiń qara basymyzǵa tónip, synap-mineıtin kez emes. Qara basyńdy emes, bilimińdi synǵa salar kez bul. Basqa jolmen kóp nárseniń sheshimin tappaımyz.
Tehnologııa, tehnologııa jáne tehnologııa!
Bekbolat QARJAN,
"Adyrna" ulttyq portaly 
Pikirler
Uqsas jańalyqtar