Túrkistan oblysynda kóne túrki dáýiriniń tas músini tabyldy

2775
Adyrna.kz Telegram
Túrkistan oblysynda kóne túrki dáýirine qatysty erekshe pishindi tas músin tabyldy dep habarlaıdy "Adyrna" ulttyq portaly.
Bul týraly tarıh ǵylymdarynyń doktory, Qoja Ahmet Iasaýı atyndaǵy Halyqaralyq Qazaq-Túrik ýnıversıtetiniń professory Muhtar Qoja áleýmettik jelilerde jazdy.
Eskertkishti Saparbek Asqarbekuly degen jergilikti azamat taýyp, tıisti mamandarǵa habarlaǵan.
Atalǵan tas músindi kórý úshin Qoja Ahmet Iasaýı atyndaǵy Halyqaralyq Qazaq-Túrik ýnıversıteti Arheologııa ǵylymı zertteý ınstıtýtynyń bas ǵylymı qyzmetkeri Muhtar Qoja bastaǵan mamandar aldyn-ala zertteý jumystaryn júrgizdi.
Mamandar kóne túrki dáýirine jatatyn tas músinniń beınesi týraly túrli boljamdar aıtýda. Júrgizilgen zertteý jumystarynyń nátıjesi aldaǵy ýaqytta jarııalanady.
Aıta ketý kerek, osy tas músinge uqsas eskertkishter Qazaqstannyń ońtústiginde, Qyrǵyzstanda, sondaı-aq Altaı óńirinde Kýdyrge kesheninde tabylǵan bolatyn.
"Adyrna" ulttyq portaly.
Pikirler
Redakııa tańdaýy