Búgingi kúni Qazaqstanda halyqtyń 26%-dan astamy koronavırýsqa qarsy vakınanyń alǵashqy komponentin alǵan. Mońǵolııa bolsa halqynyń 64%-yna vakına saldyrǵan dep habarlaıdy "Adyrna" ulttyq portaly "centralasia.media-ǵa" silteme jasap.
AKIpress Ortalyq Azııanyń 6 elinde koronavırýsqa qarsy vakınalaý jaǵdaıy qandaı ekendigin zerttegen.
Máselen, Monǵolııada 3,3 mln turǵynnyń 64,3 % ekpe alsa, munda aýyrǵandardyń sany — 153 782 adam.
1-kezeńde 2 124 499, 2-kezeńde 1 900 170 turǵyn ekpe saldyrǵan.
Qazaqstanda 18,8 mln turǵynnyń 26 % ekpe alsa, munda aýyrǵandardyń sany — 516 117 adam. 1-kezeńde 5 054 970, 2-kezeńde 3 075 907 turǵyn ekpe saldyrǵan.
Ózbekstanda 34 mln turǵynnyń 11 % ekpe alsa, munda aýyrǵandardyń sany — 122 048 adam. 1-kezeńde 3 779 709, 2-kezeńde 1 572 483, 3-kezeńde 392 938 adam ekpe saldyrǵan.
Qyrǵyzstanda 6,4 mln adamnyń 4,9 % vakına saldyrǵan. Bul elde koronavırýs juqtyrǵandar sany — 155 005. Ekpeniń 1-komponentin 318 000, 2-komponentin 103 941 adam alǵan.
Tájikstanda 9,8 mln halyqtyń 4,3 % ekpe saldyrypty. 14 359 adam indet juqtyrǵan.
Ekpeniń 1-komponentin 421 832, 2-komponentin 20 190 adam alǵan.
Al Túrikmenstandaǵy epıdemıologııalyq ahýal ázirge belgisiz. Bul memlekette 6,1 mln halyq bar.
"Adyrna" ulttyq portaly.