QR Premer-Mınıstri Asqar Mamın Aqtóbe oblysyna jumys saparymen kelip, óńirdiń áleýmettik-ekonomıkalyq damýymen tanysty dep habarlaıdy "Adyrna" ulttyq portalynyń tilshisi.
Úkimet basshysy «Aqtóbe» ındýstrııalyq aımaǵynda ornalasqan «Zerde-Keramıka Aqtóbe» JShS zaýytyn aralady. Kásiporyn jylyna 5 mln sharshy metr keramogranıt pen keramıkalyq plıtka shyǵarady.
Jobaǵa salynǵan ınvestıııa kólemi 9,2 mlrd teńgeni quraıdy, ony osy jyldyń úshinshi toqsanynda paıdalanýǵa berý josparlanǵan. Kásiporynda 200-den astam jumys orny quryldy.
A. Mamın óndiristik qýaty jylyna 122 rentgen apparaty men keshenin quraıtyn «Aqtóberentgen» AQ zaýytynyń jumysymen tanysty. Ónimniń bir bóligi Reseıge, Ózbekstanǵa, Tájikstanǵa jáne Qyrǵyzstanǵa eksporttalady.
Bıyl memlekettik qoldaý sharalarymen Aqtóbe oblysynyń 3,3 myńnan astam ShOB sýbektisi qamtylady. Úkimet basshysy «PO Global-Speodejda» JShS tigin fabrıkasynyń jumysymen tanysty, onda 200-ge jýyq adam jumys isteıdi. Kásiporyn jyl saıyn 1,2 mln-ǵa deıin ónim shyǵarady. Arnaıy kıimderdiń, qorǵanysh quraldarynyń, arnaıy kıimderdi shyǵarýǵa arnalǵan jylytqyshtardyń keń nomenklatýrasynyń óndirisi jolǵa qoıylǵan.
Premer-Mınıstr óńirdiń energetıkalyq áleýetiniń damýyn tekserdi. A. Mamın "Aqtóbe JEO" AQ-ǵa bardy, onda qazirgi ýaqytta kádege jaratýshy qazandyǵy bar, qýaty 57 MVt gaz týrbınalyq qondyrǵysynyń qurylysy júrip jatyr. Jobany iske asyrý stanııanyń qýatyn 175 MVt-qa deıin arttyrýǵa múmkindik beredi. Jumystardy 2021 jylǵy jeltoqsan aıynda aıaqtaý josparlanǵan.
Qarǵaly aýdanynyń Badamsha kentinde Asqar Mamın "Arm Wind" JShS jel elektr stanııasynyń jumysymen tanysty. Qazirgi ýaqytta jel elektr stanııasynyń ekinshi kezeginiń qurylysy júrgizilýde. Stanııa jyl saıyn saǵatyna 100 MVt elektr energııasyn óndiretin bolady. Investıııa kólemi $85 mln quraıdy, aıaqtaý merzimi – bıylǵy jyldyń qyrkúıek aıy.
Asqar Mamın "Aqtóbe – Atyraý – Astrahan" respýblıkalyq avtojolyn rekonstrýkııalaý barysyn tekserdi. Bıyl "Aqtóbe – Qandyaǵash" ýchaskesinde jol qozǵalysy ashylady, "Qandyaǵash – Maqat" avtojolynyń ýchaskesi osy jyldyń sońyna deıin paıdalanýǵa beriledi. Premer-Mınıstr tas joldy qaıta jańartý jumystaryn sapaly ári belgilengen merzimde aıaqtaýdy tapsyrdy.
Úkimet basshysy Aqtóbe qalasyndaǵy «Batys-2» shaǵyn aýdanynyń salyný barysymen tanysty, onyń qurylysyn 2025 jyly aıaqtaý josparlanyp otyr. Bıyl óńirde 1 mln sharshy metr astam turǵyn úıdi paıdalanýǵa berý josparlanǵan.
Mártók aýdanynda Asqar Mamın "Milker" JShS jem-shóp túıirshikterin óndirý zaýytyn aralady. Investıııalyq jobanyń quny 700 mln teńgeni quraıdy, kásiporynnyń óndiristik qýaty – jylyna jońyshqa pisheninen 12 myń tonna túıirshiktelgen qurama jem. Daıyn ónim Qazaqstanda da, odan tys jerlerde de, atap aıtqanda, Qytaıda, Reseıde, Iranda jáne Birikken Arab Ámirlikterinde zor suranysqa ıe.
Sondaı-aq QR Premer-Mınıstri A. Mamınge Aqtóbe oblysynyń balyq salasyn damytýdyń 2030 jylǵa deıingi óńirlik baǵdarlamasy tanystyryldy. 10 jyl ishinde salaǵa 37 mlrd teńge jeke ınvestıııa tartý, 400-den astam jańa jumys ornyn qura otyryp, sharýashylyqtar sanyn 72 sýbektige deıin arttyrý josparlanǵan.
«Green Capital Kazakhstan» JShS jylyjaı keshenin aralaý barysynda Premer-Mınıstrge jylyjaı ónimderin óndirý boıynsha qazirgi jaǵdaı jáne osy salany odan ári damytý perspektıvasy tanystyryldy.
Sońǵy úsh jylda Aqtóbe oblysynda 8 jańa jylyjaı iske qosyldy. 2025 jylǵa deıin jalpy somasy 17 mlrd teńge bolatyn taǵy eki iri jobany iske asyrý kózdelgen. Bul jylyjaı ónimderin óndirý kóleminiń 40%-ǵa ósýin qamtamasyz etedi dep kútilýde.
"Adyrna" ulttyq portaly.
