Medisina qyzmetkerlerınıŋ käsıbi merekesınde oblys äkımı Serıkbai Trūmov bır top därıgerdı QR Densaulyq saqtau ministrlıgınıŋ «Eŋbek Ardagerı», «Densaulyq saqtau ısıne qosqan ülesı üşın» jäne «Densaulyq saqtau ısınıŋ üzdıgı» tösbelgısımen jäne Qūrmet gramotalarymen marapattady dep habarlaidy "Adyrna" ūlttyq portalynyŋ tılşısı.
Saltanatty şarada S.Trūmov Maŋǧystau oblysynyŋ densaulyq saqtau salasynyŋ damuyna zor üles qosqan 20 medisinalyq mekemege 100 000 teŋgelık sertifikattar tabystady.
Maŋǧystau oblysynyŋ äkımı därıgerlerdı käsıbi merekelerımen qūttyqtap, qaterlı ındetke qarsy arpalystyŋ aldyŋǧy şebınde jürgen mamandarynyŋ tabandy eŋbekterıne tabys tıledı.
«Bügıngı künı adam ömırın qorǧauda öz basyn qaterge tıgıp jürgen jandarǧa qandai qūrmet körsetılse de artyq etpeidı. Būl jetıstıkter – bügıngı taŋda qyzmet atqaryp jatqan bır jarym myŋ därıger men 6 myŋnan astam orta buyn medisina qyzmetkerlerınıŋ eŋbegınıŋ nätijesı dep bılemız. Olardyŋ ışınde öz qyzmetıne adal, bılımdı därıgerler men meiırbikeler az emes»,- dedı S.Trūmov.
Onyŋ aituynşa, täuelsızdık alǧaly berı Maŋǧystau oblysynda 150-den astam densaulyq saqtau nysany ıske qosylǧan. Ozyq ülgıdegı Ana men bala üiı, qan ortalyǧy, kardio hirurgiia ortalyǧy aşylyp, em alu üşın alysqa sabylatyn tūrǧyndarǧa oblys aumaǧynda emdelıp, kürdelı otalardy jasauǧa mümkındık tudy. Byltyr jedel-järdem avtoparkı 100%-ǧa jaŋaryp, talapqa sai, qajettı medisinalyq qūraldarmen tolyq jabdyqtalǧan jaŋa kölıkter salyp alyndy.Aqtau qalasynyŋ şaǧyn audandarynda qadamdyq qoljetımdılık qaǧidaty boiynşa jaŋa medisinalyq ortalyqtar aşyldy. Onda tūrǧyndardyŋ em qabyldap, diagnostika jasauy üşın barlyq jaǧdai jasalǧan. Soŋǧy ülgıdegı zamanaui qūral-jabdyqtarmen zertteuden ötuge, qajettı taldaulardy tapsyruǧa, emşara kabinetınıŋ qyzmetterın aluǧa bolady. Öŋırde osy jyly köpsalaly balalar auruhanasynda şūǧyl balalar hirurgiiasynyŋ bölımı aşyldy. Aldaǧy uaqytta halyqaralyq deŋgeidegı innovasiialyq qūrylǧylarmen jabdyqtalǧan būl bölımşe myŋdaǧan balanyŋ ömırın saqtaityn ortalyqqa ainalmaq. Oblysta ana men bala ömırın qorǧau boiynşa da keşendı jūmystar jasaluda. Biyl tabiǧi ösım bır jarym esege artyp, 5 aida 9 myŋnan asa bala düniege keldı. Ana ölımı tırkelgen joq.
"Adyrna" ūlttyq portaly.
Ūqsas jaŋalyqtar
