Astanada Medisina qyzmetkerlerı künıne orai elımızdıŋ densaulyq saqtau salasynyŋ üzdıkterın marapattau räsımı öttı, dep habarlaidy “Adyrna” ūlttyq portaly.
Saltanatty şara barysynda 68 medisina mamany memlekettık jäne salalyq marapattarǧa ie boldy. Olardyŋ qatarynda «Barys», «Parasat», «Dostyq», «Qūrmet» ordenderımen, sondai-aq «Eren eŋbegı üşın» jäne «Şapaǧat» medaldarymen marapattalǧandar bar.
Sondai-aq, «Käsıbınıŋ üzdıgı» respublikalyq baiqauynyŋ jeŋımpazdary anyqtalyp, käsıbi şeberlıgı men janqiiarlyǧy üşın därıgerler, medbikeler, farmasevter jäne basqa da mamandar arnaiy marapatqa ie boldy.
Is-şarada QR Premer-Ministrınıŋ orynbasary Ermek Qoşerbaev pen Densaulyq saqtau ministrı Aqmaral Älnazarova qūttyqtau söz söilep, medisina qyzmetkerlerınıŋ eŋbegıne joǧary baǧa berdı.
«Būl jandar kün saiyn adam ömırın qūtqaryp, joǧary käsıbilıktı körsetıp jür. Barşa jeŋımpazdardy şyn jürekten qūttyqtai otyryp, halyqqa körsetken qyzmetterıŋız üşın alǧysymdy bıldıremın», – dedı Ermek Qoşerbaev.
Qazırgı taŋda densaulyq saqtau jüiesınde 378 myŋnan astam adam eŋbek etedı, onyŋ 271 myŋy – medisina qyzmetkerlerı. Ministr Aqmaral Älnazarova jyl basynan berı 1,4 mln nauqasqa stasionarlyq kömek körsetılgenın, 445 myŋ ota jasalǧanyn jäne jedel järdem 2,7 millionnan astam şaqyrtuǧa barǧanyn mälımdedı.
Sonymen qatar, auyldyq jerlerge därıger tartu şaralary jalǧasyp jatyr. 2023 jyldan bastap auylǧa barǧan mamandarǧa 100 AEK mölşerınde tölem, jeŋıldetılgen nesie jäne üstemaqy qarastyrylǧan.
Prezident Qasym-Jomart Toqaev ta medisina qyzmetkerlerınıŋ qoǧamdaǧy orny men äleumettık märtebesınıŋ maŋyzdylyǧyn ünemı atap ötedı. 2024 jyly Memleket basşysy osy saladaǧy qyzmetkerlerdıŋ qūqyǧy men qorǧaluyna baǧyttalǧan zaŋǧa qol qoidy.
Ūqsas jaŋalyqtar
