«Alash orda» - «Táýelsizdik» bir uǵym!

2941
Adyrna.kz Telegram
Kórneki sýret.
Kórneki sýret.

Búgin 13 jeltoqsan - Qazaq tarıhyndaǵy Uly Kún – «ALASh ORDA» Úkimetiniń qurylǵan kúni!

 «ALAShYMNYŃ» TÝǴAN KÚNI TÝǴAN OI...

Qazaǵymnan shyqqan kileń tunyǵym,

«Alash orda» - «Táýelsizdik» bir uǵym!

Týra osydan 100 jyl buryn qurylǵan

«Alash orda» Úkimeti – Uly Kún!

 

Nesine aıyp, búgin ultym jas alsa,

Qıyndyqtan bir qadam da asa alsa,

Álıhandaı, Ahmet pen Mirjaqyp,

Halel, Muhamedjan, JaHansha...

 

Aıta bersem, uly esim bar júzdegen,

Uly dala tósinen kóp iz kórem.

Nege kúpti, qaıran kóńil sonshalyq,

Búgingi urpaq ulylaryn izdegen?..

 

Asty ma elim, asý, asý asqardan,

Óksik qysyp, nege kózden jas tamǵan?

Taza Qazaq memleketi bastaýy -

Negizinen «Alashymnan» bastalǵan.

 

Qaıran ultym, buza almady bógetti,

Qaıran urpaq, kózdiń jasyn kól etti...

Ana kileń qanisherler qyp-qyzyl,

Ult uldaryn atyp, asyp, joq etti...

 

Tutastaı ult - tuǵyryna qona almaı,

Shırek ǵasyr - elim nege tonaldy-aı?

Al, búgingi «Qazaqstan» Táýelsiz -

Sol «Alashtaı» kele me ózi bola almaı?

 

Búgin kimmin, al ol kezde kim edim?

«Alashymdaı», qaıda sol bir tiregim?

Shynymdy aıtsam, shırek ǵasyr  uıqy joq,

Muny oılasam, qan jylaıdy júregim...

 

JELTOQSAN jáne QAZAQ ARÝLARY!..

 

...Jaýyzdarǵa qarsy turyp erlegen,

Ult namysyn qoldarynan bermegen,

JELTOQSANDA: qyzdarymyz boıynan

Qaıtpas qaısar ójettikti kórgen em...

 

Qansha qatty soqsa-daǵy daýyl bar,

Qazaǵy úshin otqa túsken baýyrlar.

JELTOQSANDA: Qazaq Qyzy atyna

Laıyq bolǵan bizdiń qaıran arýlar.

 

Túsinikti, Ultty kimder jylatty,

Túsinikti, onda kimdi kimi atty...

JELTOQSANDA: Qazaq Qyzy alańda

Erlik etken has batyrlar sııaqty.

 

Al, analar «byldyr-shúldir» shatty ma,

Solarymen Máskeý jaqqa jaqty ma?

Qazaq Qyzy - qyzyl gúldeı qyrmyzy,

Tas alańda qan-qan bolyp jatty ma?..

 

Artta qaldy qansha jyldar, belester,

Sol sýretti shyǵara alman men esten...

Ár Kóktemde qyrdyń qyzyl gúlderin,

Kórgen saıyn sol Arýlar elester.

 

Kim aıta alar, Taǵdyr Joly, tar ma eken?

Sol alańda jatqan áli qan ba eken?..

Sol kezdegi Qazaq Qyzy Namysy,

Al, búgingi arýlar da bar ma eken?..


 Jumash Kenebaı

Abai.kz

Pikirler