Túrkııada qoqıqazdar qyrylyp jatyr: ekologııa ma?

3054
Adyrna.kz Telegram

Ótken aptada Túrkııanyń ortalyǵyndaǵy Konııa provınııasyndaǵy Tuz kóliniń qurǵap qalǵan bóliginen júzdegen flamıngo óli tabyldy, dep habarlaıdy «Adyrna» ulttyq portaly.

Tuz kóli - Túrkııadaǵy ekinshi jáne álemdegi eń úlken tuzdy kólderdiń biri. Bul janýarlardyń súıikti jeri jáne munda ejelden-aq flamıngo meken etedi. Kól taıaz, ol jerdegi jaýyn-shashyn mólsheri az bolsa da, onyń tuzdy bolýy qonys aýdaratyn qustardyń uıa salýyna yńǵaıly. Alaıda klımattyń ózgerýinen týyndaǵan qurǵaqshylyqtyń saldarynan kóldiń sý deńgeıi tómendedi. Nátıjesinde flamıngolar tamaq tabýǵa qınalyp qaldy.

Qazir Konııadaǵy kóldiń Djıhanbeılı aımaǵyndaǵy bóliginde qustar qyrylyp jatyr. Qustar kólge naýryzda ushyp kelgen bolatyn. Jazda bul aımaqqa jıi baratyn tabıǵat zertteýshisi, fotograf Mehmet Emın Óztúrik «flamıngo úshin jumaq bolǵan kól qazir qorqynyshty túske aınaldy» deıdi.

"Adyrna" ulttyq portaly

Pikirler