Dárigerler ottegi ornyna elitkish gaz qosqandyqtan náreste shetinep ketti

2324
Adyrna.kz Telegram

Avstralııanyń Sıdneı qalasynda dárigerler nárestege ottegi ornyna elitkish gaz jibergen. Sábı tynys alý maskasyn kıgizgennen keıin shetinep ketti.

Náreste kesar tiligin jasaý arqyly dúnıege kelgen. Operaııa kezinde dárigerler balanyń moınyna kindik oralyp qalǵanyn kórdi. Sábı durys tynys ala almaǵandyqtan, reanımaııa bólimine jatqyzyldy, dep jazady «Adyrna» ulttyq portaly Sputnik Qazaqstan saıtyna silteme jasap.

Tynys alýdy qalpyna keltirý úshin dárigerler shaqalaqqa ottegi maskasyn kıgizgen. Alaıda ol kómektespedi. Kishkentaı paıentke jasandy tynys aldyrtý sharalaryn jasap, adrenalın salǵan. Biraq bul amaldar da esh nátıje bermedi. Bir saǵat ótkennen keıin sábı kóz jumdy.

Tergeý barysynda qondyrǵyny durys jalǵamaý saldarynan apparatqa ottegi emes, zııandy zat jiberilgeni belgili boldy. Apparatty qosýǵa jaýapty merdiger eńbekti qorǵaý jáne qaýipsizdik tehnıkasy boıynsha mindetterdi saqtamaǵan. Ol óz kinásin moıyndady. Júz myń dollar (42 mıllıon teńgeden astam) kóleminde aıyppul salyndy.

Biraz buryn dál osy aýrýhanada uqsas oqıǵa bolǵan. Qýanyshqa oraı jańa týǵan qyz aman qaldy. Biraq onyń mıyna zaqym keldi. Emdeýge kelmeıtini aıtylyp otyr.

"Adyrna" ulttyq portaly

Pikirler