Shymkentte balalardyń bos ýaqytyn tıimdi ótkizý, jappaı sportty damytý maqsatynda kóptegen jańa nysandar paıdalanýǵa berilýde. Búgin qalada eki jańa balalar sport alańy saltanatty túrde ashyldy.
Kóshe alańynyń qurylysy Eurasian Resources Group (ERG) qoldaýymen Shymkent qalasy ákimdigimen ózara yntymaqtastyq týraly memorandým aıasynda iske asyryldy.
Jańa nysannyń úlken sport alańy, jasandy jabyny, jaryqtandyrýy jáne joǵary qorshaýy bar. Onda balalarǵa basketbol, voleıbol, fýtbol, tennıs oınaýǵa barlyq jaǵdaı jasalǵan.
Kóshe alańdarynyń qurylysy Shymkent qalasynyń ınfraqurylymyn jaqsartý baǵdarlamasy aıasynda qolǵa alynýda. Jyl sońyna deıin qalanyń basqa da shaǵynaýdandarynda osyndaı bes alań paıda bolady.
ERG-diń Qazaqstandaǵy qyzmetiniń 25 jyly ishinde áleýmettik shyǵyndarǵa salynǵan ınvestıııalary 1 mlrd dollardan asqan. ERG 17 jyl boıy top kásiporyndary ornalasqan Aqtóbe, Qostanaı, Qaraǵandy jáne Pavlodar oblystarynda áleýmettik mańyzy bar jobalardy iske asyrý boıynsha jyl saıyn memorandýmdar jasap keledi. Bıyl Shymkent qalasy ákimdigimen memorandýmǵa qol qoıyldy.
Kompanııa óńirlerdi qoldaý boıynsha «Týǵan qalalar» baǵdarlamasyn iske asyrady. Baǵdarlama aıasynda turǵyn úılerdiń, mektepterdiń, aýrýhanalardyń, balalar men eresekterge arnalǵan sport nysandarynyń, saıabaqtardyń qurylysy men jóndeý jumystary júrgizilýde.
Shymkent qalasy ákimdiginiń baspasóz qyzmeti
