Prezidenttıŋ baspasöz hatşysy Şerzod Asadov Auǧanstandaǧy jaǧdai jäne Özbekstan şekarasyn būzǧan auǧandyqtar turaly aitty, dep habarlaidy "Adyrna".
"2021 jyldyŋ 23 mausymynan bastap Auǧanstan qaruly adamdary bırneşe ret Özbekstan şekarasynan zaŋsyz ötuge tyrysty. Olardyŋ jalpy sany bügınde 150 adamǧa jettı jäne olardyŋ barlyǧy halyqaralyq zaŋdarǧa säikes tergeu, jauap alu şaralaryn ötkızgennen keiın jıberıldı", dedı Asadov.Memleket basşysynyŋ baspasöz hatşysynyŋ sözıne qaraǧanda, qazırgı uaqytta Auǧanstannyŋ bırde-bır azamaty Özbekstan aumaǧynda zaŋsyz baspana alǧan joq jäne Özbekstan şekarasy būǧan bei-jai qaramasy anyq. Özbekstan bolaşaqta öz aumaǧyna zaŋsyz kıruge jol bermeidı.
«Özbekstan Auǧanstandaǧy jaǧdaiǧa alaŋdauşylyq bıldıretını sözsız. Bız ekı memleket arasyndaǧy tatu körşılık qatynastardyŋ odan ärı damuyna müddelımız jäne osy memlekettıŋ ışkı ısterıne aralaspaudy qoldaimyz», - dep qosty Asadov.Auǧanstandaǧy äskeri jaǧdai 2021 jyly mamyrda AQŞ pen onyŋ odaqtastary öz äskerlerın elden şyǧara bastaǧan kezde kürt naşarlady. Taliban sodyrlary şabuylǧa şyqty. Qazırgı uaqytta olar auyldyq jerlerdegı maŋyzdy aumaqtardy ielenıp, ırı qalalarǧa şabuyl jasai bastady.
"Adyrna" ūlttyq portaly
Ūqsas jaŋalyqtar
