Elordada kópsalaly medıına ortalyǵyndaǵy qateliktiń kesirinen qaıǵyda júrgen balalary óz ákesiniń ornyna basqa bireýdiń denesin jerleı jazdady. Medıına mekemesiniń qyzmetkerleri marqumnyń máıitin basqa bireýmen shatastyryp, Tarazǵa ushaqpen salyp jibergen, dep habarlady "KTK" telearnasy.
"Ashsaq, basqa bir adam. Inisi bolǵan, sol kórdi. Eki balasy kórdi. Men kórdim, ol emes bop shyqty. Beınesi biraz uqsaıdy. Al endi qalǵany qaıda desek, olar aıtpaıdy. "Joq, osy" deıdi. Ózine ákep burynǵy sýretpen salystyrdyq, mine, myna adam, mynandaı bolatyn dedik. Anada meń bar, mynada meń joq degennen keıin bular qıpylyqtaı bastady. Tarazǵa ketip qaldy dedi", - dedi marqumnyń týysy Káken Jantaıuly.
Búgin tańerteń Tarazǵa ketip qalǵan marqumnyń denesi tús aýa ushaqpen elordaǵa qaıta jetkizildi. Ákelgen boıy balalary men týystary áýejaıdan kólikke salyp jerleýge alyp ketti. Aıtýlarynsha, jetpis jastaǵy kisi eki apta boıy koronavırýspen aýyryp, aqyry beti beri qaramaı o dúnıege attanǵan. Dárigerler jaǵdaıdy bylaı baıandaıdy: eki máıit keshe ınfekııalyq aýrýhanadan jetkizilgen.
Keshe keshke eki máıittiń biriniń balasy kelip, 63 jastaǵy ákesin tanyp, Tarazǵa áketetin bolǵan. Sol tártippen búgin tańerteń sol máıit Tarazǵa jiberilgen. Alaıda Tarazda jerlenýi tıis bolǵan kisiniń balasy jaǵdaıdy basqasha túsindirdi. Aıtýynsha, keshe ózi kelip ákesiniń denesi qaısy ekenin kórsetip ketken. Osy bylyqtyń kesirinen óz ákesiniń denesi Tarazǵa búgin keshke jetkizileıin dep tur. Sondyqtan dárigerlerdi salǵyrttyǵy úshin sotqa berýge bekingen. Aq halattylar kinásin moıyndap, marqumdardyń týystarynan keshirim surady. Sondaı-aq shatasqan máıitti Tarazdan qaıtaryp ákelý shyǵynyn da óz qaltasynan tólegen.
"Zerthanashy máıittiń betin ashyp kórsetip suraǵan balasynan: "Sizdiń ákeńiz be?" dep suraǵan. Ol: "Iá, meniń ákem" degen. Odan keıin rásim qyzmetimen birge keldi deıdi. Myrysh tabytqa salyp alyp ketti deıdi. Odan keıin ekinshi máıitke balasy tańerteń kelgen. Týystarymen. Olar ashyp qaraǵan kezde máıit bóten bolyp shyqqan. Sol ekeýiniń orny aýysyp ketken", - dedi Nur-Sultan qalasy kópsalaly medıına ortalyǵy dırektorynyń emdeý jumysy jónindegi orynbasary Baqtybaı Orazbekov.
«Adyrna» ulttyq portaly
