Qytaı bıligi óz naryǵyndaǵy iri kompanııalardy baqylaýda ustaýdy 2020 jyldan bastap iske asyryp keledi. Beıjiń tehnologııalyq qupııalardyń syrtqa shyǵyp ketýinen saqtanýda. Sonymen qatar endigi tańda kompanııalar tikeleı bıliktiń ashsa alaqanynda, jumsa judyryǵynda bolýyn qalap otyr.
Shildeniń alǵashqy kúnderinde jergilikti kıberqaýipsizdik salasynyń mamandary birneshe tergeýdi birden bastady. 2 shildede Didi taksı agregatorynyń derekter qaýipsizdiginiń aýdıti jarııalandy. 4 shildede kompanııa óz qyzmetin eldegi qoldanbaly dúkenderden (mobıldik qosymsha) alyp tastaý týraly buıryqqa tap boldy. 5 shildede jumys izdeý qosymshasyn jasaýshy Boss Zhipin tergeýge ilikse, sondaı-aq júkti jetkizýdiń onlaın-sheshimderin usynatyn Full Truck Alliance kompanııasyn tekserý jumystary bastaldy. Didi men Boss Zhipin kompanııalary jaqynda ǵana naryqqa shyqqan bolatyn.
Bılik derekterdi saqtaý máselelerine nazar aýdarýda. Bastalǵan tekserýler qoldanystaǵy zańnama negizinde júzege asyrylylyp jatyr. Kóp uzamaı jańa erejeler kúshine enedi, olar kompanııalardyń aqparatty jınaý, saqtaý jáne berý tásilderin retteıtin bolady. Jeke derekterdi qorǵaý týraly zań da ázirlenýde.
Sonymen qatar, Dıdıge qatysty qazirgi shaǵymdardyń máni tolyǵymen aıqyn emes dep jazady Bloomberg. Aýdıt kompanııa bırjada jarııa bolǵannan keıin eki kún ishinde ótkizile bastaǵan. Maýsymda taksı agregatory da monopolııaǵa qarsy zań buzýshylyqtar týraly kúdikke tap bolǵany aıtylýda. Iaǵnı bılik atalmysh kompanııany maqsatty túrde qysymǵa alyp jatyr.
Bul sharalar Beıjiń tehnologııalyq alpaýyttarǵa qatysty saıasatyn qataıtyp, olardyń ósip kele jatqan yqpalyna qarsy kúreskennen keıin júzege asyryldy. Ótken jyly Qytaı bıligi áıgili Alibaba kompanııasyn qysymǵa alyp, aqyry Djek Ma sáýir aıynda rekordtyq 2,8 mıllıard dollar aıyppul tólegen edi. Osylaısha Qytaı óz naryǵyndaǵy iri tehnologııalyq alpaýyttardy qysymǵa alyp, bılik erejesimen oınatýda iske asyrýda.
"Adyrna" ulttyq portaly
