Shilde aıynyń aıaǵynda Aqtóbe qalasynda «Aktobe Mall» saýda, oıyn-saýyq ortalyǵy ashylady dep habarlaıdy "Adyrna" ulttyq portalynyń tilshisi.
«Aktobe Mall» saýda, oıyn-saýyq ortalyǵy eki kezeńde paıdalanýǵa berilmek. Atap aıtqanda, osy aıdyń aıaǵynda jalpy aýmaǵy 44 000 sharshy metr bolatyn mýltfýnkıonaldy saýda, oıyn-saýyq ortalyǵy ashylady. Ortalyqta brend dúkender, aýmaǵy 4 400 sharshy metrlik balalar men jasóspirimderge arnalǵan Qazaqstandaǵy eń úlken jabyq oıyn-saýyq parki jumys jasaıtyn bolady.
Ekinshi kezeńde saýda ortalyǵynyń aýmaǵy 70 myń sharshy metrge deıin keńeıtilmek.
Sondaı-aq Aqtóbe qalasyndaǵy Sáńkibaı batyr dańǵyly boıymen, Edige batyr dańǵylynan «Aktobe Mall» saýda, oıyn-saýyq ortalyǵyna deıin amfıteatr, sýburqaq jáne t.b. zamanaýı nysandar salynady. Bul jobanyń jalpy quny — 5 mlrd teńge. Jobaǵa «Bıznestiń jol kartasy — 2025» baǵdarlamasy aıasynda memlekettik qoldaý kórsetilgen.
Aıta ketý kerek, jobanyń birinshi kezeńinde 600 adam, nysan tolyq paıdalanýǵa berilgen soń bir myń adam jumyspen qamtylady.
Sondaı-aq oblys ortalyǵyndaǵy Batys-2 shaǵyn aýdanynda «Kóktóbe» qonaqúıi paıdalanýǵa berildi. Joba quny — 2 mlrd teńge.
Qonaqúıde kelýshilerge qolaıly jaǵdaı jasalǵan. Nysanda májilis zaly, meıramhana, ásemdik salony, fıtnes zal jáne t.b. bar. Munda 50 adam jumyspen qamtylǵan.
"Adyrna" ulttyq portaly.
