Özbekstannyŋ kommersiialyq bankterıne jüzım ösırudı qarjylandyru üşın 100 million dollar bölınedı. Būl turaly prezidenttıŋ baspasöz qyzmetı mälımdedı, dep habarlaidy «Adyrna» ūlttyq portaly.
«1 gektar alqapqa jüzım eguge ortaşa eseppen 100 million sum jūmsalady. Al ol 4 jyldan keiın 250 million sum paida äkeluı mümkın», - delıngen habarlamada.Baspasöz qyzmetınıŋ mälımetınşe, būl jerdegı jüzımnıŋ şyǧymy Aziianyŋ basqa elderıne qaraǧanda 1,5-2 ese tömen. Sonymen qatar jüzım eksportyn - 200 million dollarǧa deiın, meiızdı - 130 million dollarǧa, al tabiǧi şarap eksportyn - 50 million dollarǧa deiın ūlǧaituǧa bolatyndyǧy aityldy. Būdan bölek habarlamada şarap turizmın damytu da ūsynyldy.
"Adyrna" ūlttyq portaly
