Tokıoda tótenshe jaǵdaı rejımi engizildi dep habarlaıdy "Adyrna" ulttyq portaly.
Ótken táýlikte Tokıoda koronavırýs boıynsha 920 jaǵdaı anyqtalǵan. Bul bir apta burynǵy kórsetkishpen salystyrǵanda 206-ǵa kóp. Osy oraıda Japonııa mınıstrler kabıneti 22 tamyzǵa deıin tótenshe jaǵdaı rejımin engizý týraly sheshim qabyldaǵan.
Sondaı-aq Indonezııa bıligi koronavırýs saldarynan adam óliminiń kóbeıýine baılanysty shekteý sharalaryn kúsheıtken. Jańa shekteýler, atap aıtqanda, qyzmetkerlerdi qashyqtan jumys rejımine májbúrlep aýystyrýdy, meıramhanalar men dúkenderdiń jumys ýaqytyn shekteýdi qamtıdy. Sharalar eldiń búkil aýmaǵynda júzege asyrylmaq.
Ótken táýlikte álemdegi birqatar elderde koronavırýs indetine shaldyqqandardyń sany boıynsha antırekordtar tirkeldi. Máselen, Indonezııada 34 379, Kýveıtte 1 993 jaǵdaı tirkelgen. Sonymen qatar koronavırýstan kóz jumǵandar sany jaǵynan Bangladesh "aldyńǵy" orynda. Munda indetten bir kúnde 201 adam qaıtys bolǵan.
Al Portýgalııada anyqtalǵan koronavırýstyń jańa jaǵdaılarynyń 90%-ǵa "delta" shtammy tabylǵan.
Ótken aptada Portýgalııa bıligi COVID-19 oqıǵalarynyń kóbeıýine baılanysty eldiń birqatar aýdandarynda, sonyń ishinde astanasy Lıssabonda komendanttyq saǵat engizgen bolatyn.
"Adyrna" ulttyq portaly.
