Reseı Federaııasynyń halyq ártisi, akter, rejısser Vladımır Menshov 5 shilde kúni 82 jasqa qaraǵan shaǵynda dúnıeden ótti. Bul jaıynda «Mosfılm» kınokompanııasynyń resmı saıty málimdedi. Buǵan deıin, 26 maýsym kúni áıgili rejısserdiń COVID-19 dertine shaldyqqany belgili bolǵan edi. «Jaqyn joldasymyzdy joǵalttyq, barsha jaqyndaryna qaıǵyra kóńil aıtamyz»,-deıdi «Mosfılm» kınokompanııasy óz jazbasynda.
Menshov 1939 jyly 17 qyrkúıek kúni Baký qalasynda dúnıege kelgen. Kıno aktery retinde 120-dan astam róldi somdasa, 30-ǵa jýyq fılmge rejısserlik etti. Onyń eń tyrnaqaldy týyndysy-«Moskva slezam ne verıt» 1981 jyly Oskar júldesinde jeńiske jetken.
Kıno maıtalmanyn aqtyq saparǵa attandyrý rásimi 8 shilde kúni Máskeý qalasynda ótpek.
