Tutas maýsymdy qorytyndylaǵan gala-konertte Aıman Mýsahadjaeva, Azamat Jeltyrgýzov, Medet Chotabaev, Erlan Rysqalı, Saltanat Ahmetova, Alfııa Karımova, Aızada Kaponova, Azat Malık, Aıgerim Altynbek syndy tanymal solıster óner kórsetti. Sondaı-aq óner súıer qaýym Qazaq memlekettik sımfonııalyq orkestriniń oryndaýyndaǵy úzdik shedevrlerdi tyńdaı aldy. Dırıjerlik turǵyda - Ýkraınadaǵy Dnepropetorvsk fılormonııasynyń kórkemdik jetekshisi, Aıdar Torybaev.
Konertte óner súıer qaýym klassıkalyq mýzykanyń jaýharlaryna aınalǵan týyndylarmen sýsyndady. Konerttik baǵdarlamaǵa «Qyz Jibek», «Eńlik-Kebek», «Karmen», «Sevılskıı ırıýlnık», «Irodıada» jáne t.b. operalardyń arııalary engen. Sonymen birge konertte E. Hasanǵalıev, S. Erkimbekov, Dj. Rossını, I.Gaıdn jáne V.A.Moart, L. Bernstaın, L.Hamıdı syndy belgili kompozıtorlarynyń týyndylary shyrqaldy. Konerttiń árbir mýzykalyq nomerimen erekshe úılesim tapqan ártisterdiń kásibı sheberligi kórermenniń joǵary baǵasyn aldy.
Konerttik uıymnyń basshysy Jeńis Seıdýllaulynyń aıtýynsha, osy maýsymda jurtshylyqqa usynǵan jańalyq az bolǵan joq.Alpystyń asýyn baǵyndyryp, ıgi dástúr men jańashyldyqty qatar ushtastyra bilgen Qazaqkonerttiń barlyq jobalary bıylǵy konerttik maýsymda da halyqty rýhanı sýsyndatyp, barshaǵa qoljetimdi bola bildi.
«Mereıtoılyq jyldyń aıasynda bizdiń ártister kórermenderdi onlaın jáne oflaın formattaǵy is-sharalarmen qýantty. Atap aıtqanda, óner súıer qaýym 50 jýyq oflaın jáne 100 tarta onlaın formattaǵy jańa jobalardy usyndy. Onyń ishinde qaıyrymdylyq is-sharalar, ashyq aspan astyndaǵy qoıylymdar men konertter bar. Bıyl Qazaqkonerttiń shyǵarmashylyq áleýeti jańa baǵytta damı túsip, uıymnyń áleýmettik mańyzy da arta tústi. Biz dál osy qarqynmen endi jańa konerttik maýsymǵa daıyndyq júrgizemiz», dedi Jeńis Seıdýllauly.
Adamzat úshin qıyn mejelerdiń biri – pandemııanyń kezinde ótken 60-mereıtoılyq maýsym da óz máresine jetti. Sanıtarlyq talaptar men erejelerdi saqtaı otyryp júzege asqan bul konerttik maýsym artısterdiń de, kórermen qaýymnyń da esinde qalary sózsiz.
"Adyrna" ulttyq portaly
