Mańǵystaýda balasyn emshige aparyp emdetemin dep, bir qolynan aıyrǵan ata-ana jaýapqa tartylýy múmkin. QR Bilim jáne ǵylym mınıstrligi quziretti organdarǵa tıisti hat joldaǵan dep jazdy Ekspress K.
Bilim jáne ǵylym vıe-mınıstri Bıbigúl Asylovanyń aıtýynsha, hat IIM jáne Mańǵystaý oblysynyń ákimdigine joldandy. Onda zardap shekken balanyń quqyn qamtamasyz etý maqsatynda onyń zańdy ókilderin, ıaǵnı ata-anasyn jaýapqa tartý týraly aıtylǵan.
Aıta keteıik, 6 maýsym kúni Mańǵystaý oblysy Qyzylsaı selosynyń 3-shi synyp oqýshysy Aqpan Abdýllah velosıpedten qulap, bir qolyn syndyryp alady. Balanyń ata-anasy dárigerge barýdyń ornyna, ony synyqshyǵa aparǵan.
«Bizdiń balalar aýrýhanasynyń travmotologııa bólimine 17 maýsym kúni 8 jastaǵy bala tústi. Aýrýhanaǵa túskenge deıin bilegin syndyryp alǵan, emshiler qolyna tyǵyz tamshy salyp tastaǵan. Bizge kelgende balanyń jaǵdaıy óte aýyr boldy, qolynyń basy qaraıyp, eti ólip qalǵan, jan joq. Sodan keıin biz barlyq ortalyqqa shyqtyq, konsýltaııa jasadyq, hırýrgterge kórsettik. Báriniń aıtqan tujyrymdamasy – ampýtaııa. 20 maýsym kúni ota jasaldy. Synyqshy-emshige baryp em alǵanda, synǵan súıek árdaıym ornyna kele bermeıdi. Qazir 21 ǵasyr, zaman, tehnologııa damyp jatyr. Sondyqtan naýqasty eń birinshi ýaqytyly aýrýhanaǵa jetkizińizder», - dedi Mańǵystaý oblystyq balalar aýrýhanasynyń hırýrgi Qurman Qaıranov.
"Adyrna" ulttyq portaly
