Sūmdyq: Batys bölıkte qatty ystyqtan 200-dei adam qaitys boldy

Kanadanyŋ batys bölıgınde qatty ystyqtyŋ kesırınen 200-ge juyq adam ajal qūşty, dep habarlaidy "Adyrna" ūlttyq portaly VVS agenttıgıne sılteme jasap. Aua temperaturasy Britandyq Kolumbiia provinsiiasynda tört kün boiy köterılıp, seisenbı künı qalalardyŋ bırınde Selsii boiynşa 49,5 gradusqa jetken. Vankuverdıŋ (provinsiianyŋ ırı qalasy) özınde jūmadan bastap jylu soqqysynyŋ saldarynan 130 ölım tırkelgen. Köz jūmǧandardyŋ basym bölıgı – egde jastaǧy jäne sozylmaly auruy bar adamdar. Kanadadaǧy būryn-soŋdy bolmaǧan ystyq aua temperaturasy +46°S-tan asyp, 80 jyldyq rekord ornatty. Soŋǧy ret mūndai ystyq 1937 jyly Saskachevan provinsiiasynda tırkelgen. Būǧan deiın AQŞ Ūlttyq meteorologiialyq qyzmetı (NWS) Vaşington men Oregon ştattarynyŋ barlyq aumaǧynda, sondai-aq Kaliforniia men Aidahonyŋ köptegen audanynda qatty ystyq bolatynyn habarlaǧan bolatyn. Mamandar temperaturanyŋ kürt köterıluın AQŞ-tyŋ soltüstık-batysy men Kanada bölıgınıŋ üstınde paida bolǧan joǧary qysymdy aimaqpen tüsındırdı.