Qaşyqtan jūmys ısteu turaly zaŋ Senatta maqūldandy. Endı qyzmetı bar qazaqstandyqtar basşysymen özara kelısıp, üiınen eŋbek ete alady. Azamattar qalai, qandai qūralmen jūmys ısteimın dep bas auyrtpaidy. Öitkenı jūmys beruşı qol astyndaǧy mamanǧa kerek qūrylǧy men saimandardy özı tauyp beruge mındettı dep habarlaidy "Adyrna" ūlttyq portaly «Euraziia» bırınşı arnasyna sılteme jasap.
Zaŋdy daiyndaǧan deputat Nariman Töreǧalievtıŋ sözınşe, qaşyqtan jäne öz ornynda qyzmet etuşınıŋ jalaqysy da bırdei bolmaq. Sondai-aq deputat pandemiiada älemdegı ırı kompaniialar qyzmetkerlerın qaşyqtan ne aralas jūmys rejimıne ötkızgenın aityp, Qazaqstan da tyŋ bastamadan qalys qalmauy kerektıgın alǧa tartty. Sonymen deputattar qūjatqa 44 tüzetu engızıp, ony Prezidentke joldady."Eŋbek şarty taraptarynyŋ kelısuı boiynşa qaşyqtan jūmys ısteitın jūmyskerler üşın jūmys uaqytynyŋ jiyntyq esebın qoldana otyryp, ikemdı jūmys uaqyty rejimı belgılenuı mümkın. Sonymen bırge, oryndalatyn jūmys kölemı saqtalǧan jaǧdaida jūmys beruşıge, qaşyqtan jūmys ısteitın qyzmetkerdıŋ jalaqysyn tömendetuge mümkındık bermeitın norma engızıldı", — deidı senator Nariman Töreǧaliev.
"Adyrna" ūlttyq portaly.
