Qashyqtan jumys isteý týraly zań Senatta maquldandy. Endi qyzmeti bar qazaqstandyqtar basshysymen ózara kelisip, úıinen eńbek ete alady. Azamattar qalaı, qandaı quralmen jumys isteımin dep bas aýyrtpaıdy. Óıtkeni jumys berýshi qol astyndaǵy mamanǵa kerek qurylǵy men saımandardy ózi taýyp berýge mindetti dep habarlaıdy "Adyrna" ulttyq portaly «Eýrazııa» birinshi arnasyna silteme jasap.
Zańdy daıyndaǵan depýtat Narıman Tóreǵalıevtiń sózinshe, qashyqtan jáne óz ornynda qyzmet etýshiniń jalaqysy da birdeı bolmaq. Sondaı-aq depýtat pandemııada álemdegi iri kompanııalar qyzmetkerlerin qashyqtan ne aralas jumys rejımine ótkizgenin aıtyp, Qazaqstan da tyń bastamadan qalys qalmaýy kerektigin alǵa tartty. Sonymen depýtattar qujatqa 44 túzetý engizip, ony Prezıdentke joldady.
"Eńbek sharty taraptarynyń kelisýi boıynsha qashyqtan jumys isteıtin jumyskerler úshin jumys ýaqytynyń jıyntyq esebin qoldana otyryp, ıkemdi jumys ýaqyty rejımi belgilenýi múmkin. Sonymen birge, oryndalatyn jumys kólemi saqtalǵan jaǵdaıda jumys berýshige, qashyqtan jumys isteıtin qyzmetkerdiń jalaqysyn tómendetýge múmkindik bermeıtin norma engizildi", — deıdi senator Narıman Tóreǵalıev.
"Adyrna" ulttyq portaly.
