Jándikterdi ýlaımyn dep kórshilerin óltirip alǵan áıelge sot úkimi shyqty

1338

Aqtaý qalasynyń soty jándikterdi ýlaımyn dep eki adamnyń ólimine sebep bolǵan áıelge qatysty is boıynsha úkim shyǵardy, dep habarlaıdy «Adyrna» ulttyq portaly.

«Áıelge QR QK 304-baby, 3-bóligi («abaısyzda eki adamnyń ólimine ákep soqqan sanıtarlyq erejelerdi buzý») boıynsha aıyp taǵyldy.

Is memlekettik aıyptaýshynyń, jábirlenýshiniń, jábirlenýshiniń ókiliniń, sottalýshynyń jáne onyń qorǵaýshysynyń qatysýymen ótken ashyq sot otyrysynda qaraldy», - delingen Stan.kz aqparat agenttigi jarııalaǵan materıalda.

Memlekettik aıyptaýshy istiń mán-jaıyn eskere otyryp, sottan sankııa aıasynda sottalýshyny 7 jylǵa bas bostandyǵynan aıyrýdy surady. Al jábirlenýshiler memlekettik aıyptaýshynyń pikirimen kelisti.

Sottalýshy óz kinásin ishinara moıyndap, jábirlenýshilerden keshirim surap, sottan bas bostandyǵynan aıyrmaıtyn jaza taǵaıyndaýdy surady.

Aqtaý qalalyq soty isti QR QK-niń 304-baby 3-bóligi boıynsha qaraǵan. Sottalýshynyń qylmystyq áreketteri sot tergeýinde jan-jaqty, tolyq jáne obektıvti túrde zerttelgen dáleldemelermen tolyq negizdelýine jáne qylmystyq árekettiń aýyr qylmystar sanatyna jatatynyna baılanysty aıyptaý úkimi qabyldandy, delingen sot habarlamasynda.

«Sot úkimimen aıyptalýshy E-ge 6 jyl merzimge bas bostandyǵynan aıyra otyryp, jazasyn qylmystyq-atqarý júıesiniń qaýipsizdigi barynsha tómen mekemelerinde óteý jazasy taǵaıyndaldy», - delingen sot úkiminde.

Úkim zańdy kúshine engen joq.

Eske salaıyq, oqıǵa osy jyldyń basynda boldy. Aqtaý turǵyny kórshilerin eskertpeı, jándikterdi óltirýge arnalǵan «Kvıkfos» preparatymen úıin zalalsyzdandyrmaq bolǵan. Saldarynan kórshi páterde qyzy men anasy ıisten ýlanyp kóz jumdy. Taǵy altaýy aýrýhanaǵa shuǵyl túrde jatqyzyldy.

"Adyrna" ulttyq portaly

Pikirler
Redakııa tańdaýy