Elordada vakına alǵandarǵa eki bólmeli páter berilmek

2592
Adyrna.kz Telegram

Elordada eki bólmeli páter utysqa qoıyldy. Qyzyǵy, vakına saldyrǵandardyń arasynda oınatylady. Bul týraly Altaı Kólginov óz ınsta paraqshasynda jarııalady, dep habarlaıdy “Adyrna” ulttyq portaly. 

Elorda ákiminiń aıtýynsha, ujymdyq ımmýnıtetti qalyptastyrý úshin turǵyndardyń 60% vakınaııalanýy kerek.

"Sanıtar dárigerler qosymsha karantındik shekteýler týraly jańa qaýly daıyndap jatyr: qaýip-qater toby úshin vakınalaý mindetti, vakınalanbaǵan qyzmetkerlerdi qashyqtan jumys isteý rejımine kóshirý talap etiledi", - dedi Kólginov.

Ákimdik qala turǵyndaryn yntalandyrý úshin baǵaly syılyqtardyń utys oıynyn engizip jatyr. Al jańadan vakınalanǵandar arasynda eki bólmeli páter oınatylady (ınvestorlar esebinen). Utys oıynyna qala emhanalarynda nemese SOO/SÚ pýnktterinde ekpe alǵan qala turǵyndarynyń bári qatysa alady.

"Al páter utys oıynyna osy jyldyń 25 maýsymy men 31 tamyzy aralyǵynda vakınanyń birinshi komponentin alatyn 18 jastan asqan qala turǵyndary qatysa alady. Qyrkúıek aıynyń basynda nátıjesin jarııalaımyz. Konkýrstyń ádil ótýi jáne vakınaııalanǵandardy tolyǵymen qamtý úshin (kórsetilgen kezeńde) IT-qoǵamdastyqty jumyldyramyz", - dep atap ótti qala basshysy.

“Adyrna” ulttyq portaly 

Pikirler