Sýburqaqta toqqa túsken eki balanyń anasynyń jaǵdaıy aýyr

1901
Adyrna.kz Telegram

Almatyda ırktiń aldynda sýburqaqqa túsken balalar opat bola jazdady. Olardy qutqarýǵa umtylǵan anasy aýyr halde jansaqtaý bóliminde jatyr. Ázirge fontanǵa jaýapty mamandar adamdardy qalaı toq soqqanyna qatysty  túsinikteme bergen joq. Bul týraly «Adyrna» ulttyq portaly «Eýrazııa» birinshi arnasyna silteme jasap habarlaıdy.

Oqıǵa senbi kúni saǵat úshter shamasynda bolǵan. Sol mańda balalarymen júrgen Úkilaı eki qyzdyń aıaq kıimin sheship, sýburqaqtyń jıeginde otyrǵanyn baıqaǵan. Kenetten olardy toq soqqanyn kórip, jedel dabyl qaǵyp kómekke shaqyrady. Abylaı degen jigit zardap shekkenderdi syrtqa shyǵarýǵa kómektesipti. Sýdan shyǵarǵan kezde kelinshek pen onyń qyzy esinen tanyp qalypty. Jedel járdem kelgenshe sol mańdaǵylar alǵashqy kómek kórsetken.

«Qalaı tartyp ketkenin ortada jabysyp turdy. Men kórgen kezde bári sereıip-sereıip kádimgideı jabysyp turǵannan men olardy toq urǵanyn uqtym. Óıtkeni kádimgideı joǵarǵy temirlerge anasy qadalyp qalǵan sııaqty boldy. Kádimgi ómirleri úzilip ketkendeı», - deıdi kýáger Úkilaı Bestaı.

Qyzy men anasyn sý burqaqtan alyp shyqqan Abylaı Balapanov degen jigit osy. Ol ırktiń janyndaǵy oryndyqta teris qarap, kitap oqyp otyrypty. Kómek suraǵan daýysty estı sala qol ushyn sozýǵa umtylǵan. Onyń aıtýynsha qyzdardyń biriniń kıimi fontanǵa ilinip, qalypty. Anasy qyzyna barǵanda ózi toqqa túsken bolýy múmkin dep topshylaýda. Aldymen qyzdardyń birin shyǵaryp, anasyn qutqarmaq bolǵanda ózin toq soǵypty. Taǵy bir qyzdy shyǵarýǵa shamasy bolmaǵan.

«Estigennen keıin birden sýǵa sekirdim. Endi anasyn alyp shyǵaıyn dep edim, toq meni de urdy. Biraq qatty emes. Aıaqtan jambasqa deıin urdy. Sonda artqa qadam jasadym. Fontan óshti. Ol óshkende toq joq boldy. Sol sátte anasyn ustadym. Shyǵarǵan kezde maǵan eki bala kómektesti. Myna kafeldiń ústine qoıyp qoıdyq», - deıdi qala turǵyny Abylaı Balapanov.

Al qoǵamdyq densaýlyq saqtaý basqarmasynyń málimeti boıynsha aýrýhanaǵa úsh adam jetkizilipti. Segiz jáne 10 jastaǵy eki jetkinshek shuǵyl medıınalyq járdem aýrýhanasyna jatqyzylsa, kelinshek qalalaq ortalyq klınıkalyq aýrýhanaǵa jetkizilgen. Balalardyń biriniń beti beri qarapty. Al kelinshektiń jaǵdaıy óte aýyr eken.

«Áıel adam qazir qalalyq ortalyq klınıkalyq aýrýhanada jatyr. Reanımaııa bóliminde. Jaǵdaıy óte aýyr. Eki balamyz, qyzymyz. Bireýi 10 jasta onyń jaǵdaıy qazir orta deńgeıde. Keshe reanımaııadan otdelenıege aýystyrdyq. Al ekinshi qyzymyz 8 jastaǵy ol qazir áli reanımaııada, búgingi jaǵdaıyn baqylap qaraımyz», - deıdi qalalyq qoǵamdyq densaýlyq saqtaý basqarmasy basshysynyń orynbasary Laýra Myrzaǵalı.

Ázirge qaladaǵy sýburqaqtarǵa jaýapty mekeme basshylyǵy  apattyń neden týyndaǵanyna qatysty jaýap bergen joq. Degenmen áleýmettik jelide toq soǵý qaýpi bar jerge ózderi túskeni týraly pikir bildirgen. Degenmen qondyrǵylarynda aqaý boldy ma ol jaǵyn ashyp aıtpady. Qazir polıııa qylmystyq is qozǵap tergeý amaldaryn qolǵa alǵan. Tergeý qortyndysy boıynsha prosesýaldyq sheshim qabyldanbaq.

"Adyrna" ulttyq portaly

Pikirler