Sot alqasy Sátbaev qalasynda bes jasar qyz balany zorlaý oqıǵasy boıynsha aıyptalǵan erli-zaıyptynyń birin ómir boıyna, endi birin 22 jylǵa túrmege qamaýǵa úkim etti, dep jazady Azattyq.
Bul oqıǵa 2020 jyly shildede Sátbaevtaǵy jappaı tártipsizdikke túrtki bolǵan edi.
Sot alqasy úkimdi 21 shildede shyǵardy. Jabyq ótken otyrysta sot alqasy erli-zaıyptyny "adam zorlady", kishkentaı qyzǵa "jynystyq sıpattaǵy zorlyq jasady" jáne "densaýlyǵyna aýyr zaqym keltirdi" dep tapty. Sottalǵandardyń aty-jóni aıtylmady.
Er adam ómir boıyna, áıeli 22 jylǵa sottaldy. Ekeýi de ómir boıy balalarǵa sabaq oqyta almaıdy. Sottyń málimetinshe, zań boıynsha áıel adamdarǵa ómir boıyna túrme jazasy berilmeıdi.
"Sot alqasy daýys berý arqyly aıyptalýshylardy barlyq bap boıynsha aıypty dep tapty. [Er adamnyń] qylmysty mas bolyp jasaǵany jazany aýyrlatatyn jaǵdaı retinde esepke alyndy" dedi sottyń baspasóz qyzmeti.
Azattyq tilshisi aıyptalýshylardyń advokatymen baılanyspaq bolyp edi, ol telefonǵa jaýap bermedi. Eki aıyptalýshynyń burynǵy advokaty (proess kezinde isten shettetilgen) olardyń kinásiz ekenin aıtqan. El prezıdenti Qasym-Jomart Toqaevqa da hat jazǵan.
Aıyptaý aktisine saı, 2020 jyly 23 shildede er adam (tergeý kezinde ózine qol salyp qaıtys bolǵan – red.) mas kúıinde podezd aldynda kishkentaı qyzdy ustap, páterine alyp barǵan. Keıin kórshisin shaqyryp, qyz balany zorlaýdy usynǵan. Kórshisi bul usynysqa kelisken. Ekeýi áıeldi shaqyryp, ol balaǵa "belgisiz bir dárini ekken". Osydan soń qyz bala esinen tanyp qalǵan, al eki erkek qyzdy zorlaǵan.
Saraptama qorytyndysyna saı, bul oqıǵa qyz balanyń psıhıkasyna qatty áser etken.
Osy is boıynsha negizgi aıyptalýshy – 62 jastaǵy er adam sotqa jetpeı kóz jumǵan. Ol tergeý ızolıatorynda óli kúıi tabylǵan edi. Polıııa onyń sýııd jasaǵanyn habarlaǵan. Basynda IIM tek bir adamnyń ustalǵanyn aıtqan. Keıin erli-zaıyptynyń da qamaýǵa alynǵany málim boldy.
Joǵalǵan kishkentaı qyz 62 jastaǵy er adamnyń páterinen tabylǵan soń Sátbaevta júzdegen adam osy úıdiń mańyna jınalyp, erkekti jaýapqa tartpaq bolǵan. Birneshe adam kúdikti men kórshileriniń páterin qıratqan. Keıin jınalǵandar kúdiktini polıeıler jasyryn túrde bólimshege alyp ketti degendi estip, polıııaǵa barǵan. Sol jerde polıııa ǵımaratyn qıratyp, 16 kólikti órtegen. Resmı derek boıynsha, 14 turǵyn men 50 polıeı zardap shekken.
Osy tártipsizdik boıynsha qylmystyq is qozǵalyp, toǵyz adam úsh jylǵa túrmege qamaldy. 44 adam tórt jyl, eki adam bir jarym jyl shartty jaza aldy. Tórt adam "jappaı tártipsizdik uıymdastyrdy", eki adam "tártipsizdikke shaqyrdy", 51 adam "tártipsizdikke aralasty" dep aıyptalǵan. 42 aıyptalýshyǵa "bılik ókiline kúsh qoldandy" degen de aıyp taǵylǵan. Aıyptalýshylardyń barlyǵy prokýrormen proessýaldy kelisim jasasqan. Osy is boıynsha eki adamǵa izdeý jarııalanǵan.
