Búgin Halyqaralyq Túrki akademııasy kórnekti túrkolog Ǵubaıdolla Aıdarovtyń «Iazyk orhonskıh pamıatnıkov drevnetıýrkskoı pısmennostı VIII veka» atty ǵylymı eńbegin qaıta jaryqqa shyǵaryp, oqyrmanǵa tanystyrdy dep habarlaıdy «Adyrna» ulttyq portaly.
Osydan 50 jyl buryn basylyp, búginde tabyla bermeıtin sırek kitapqa aınalǵan irgeli eńbektiń tusaýkeser rásimi Ǵ.Aıdarovtyń týǵanyna 100 jyl tolýyna arnalǵan halyqaralyq konferenııa aıasynda uıymdastyryldy.
Ál-Farabı atyndaǵy Qazaq ulttyq ýnıversıtetinde ótken alqaly jıynǵa ál-Farabı atyndaǵy Qazaq ulttyq ýnıversıtetiniń rektory Janseıit Túımebaev, Halyqaralyq Túrki akademııasynyń prezıdenti Darhan Qydyráli, kórnekti túrkolog Osman Fıkrı Sertkaıa, Ázerbaıjan Ulttyq Ǵylym akademııasy Nahchyvan fılıaly, Óner, til jáne ádebıet ınstıtýty dırektory Abýlfaz Kýlıev, belgili qalamger, Qazaqstannyń eńbek sińirgen qaıratkeri Smaǵul Elýbaı, Qyrǵyzstan Manas atyndaǵy ýnıversıtettiń professory Qonqobaev Qadyraly, Reseı Ǵylym akademııasy Ýfa ǵylymı ortalyǵy Tarıh, til, ádebıet zertteý ınstıtýtynyń ǵylymı jetekshisi Fırdaýs Hısamıtdınova, QazUÝ Abaı ǵylymı-zertteý ınstıtýtynyń dırektory Janǵara Dádebaev, A.Baıtursynuly atyndaǵy Til bilimi ınstıtýtynyń dırektory Anar Fazyljanova, tanymal túrkolog Erden Qajybek, sonymen qatar Ǵ.Aıdarovtyń balalary, tanymal ǵalymdar men zııaly qaýym ókilderi qatysty.
Oqyrmanǵa jol tartqan jańa basylym Orhon ózeni ańǵarynan tabylǵan kóne túrki jazba eskertkishteri tilin fonetıkalyq, leksıkalyq, morfologııalyq jáne sıntaksıstik turǵydan jan-jaqty taldap, qazirgi túrki halyqtary tilderimen sabaqtastyǵyn ashyp kórsetedi. Avtor óz zertteýine Tonykók, Kúltegin, Bilge qaǵan, Ongın, Kýlı-Chor qatarly mańyzdy eskertkish mátinderin arqaý etken. Kitaptyń sońynda birqatar eskertkishterdiń mátini, transkrıpııasy men orys tiline aýdarmasy, grammatıkalyq forma kórsetkishteri jáne shaǵyn sózdigi qosa berilgen. Aıta ketý kerek, Túrki akademııasy jaryqqa shyǵarǵan ekinshi basylymda buryn tehnıkalyq sebeptermen ketken qatelikter túzetilip basyldy.
Aıta ketý kerek, konferenııa barysynda ǵalymnyń úlken qyzy, Sáýle Ǵubaıdollaqyzyna Túrki akademııasy tarapynan arnaıy qurmet kórsetildi.
