Búgin Shymkent qalasynda qala kúni merekesine oraı «MEREKEŃMEN, ShYMQALA!» atty saltanatty is-shara ótti. Merekelik is-sharada qalanyń damýyna túrli sala boıynsha úles qosqan azamattardyń eńbekteri elenip, marapattar tabystaldy dep jazady "Adyrna" ulttyq portaly.
Buǵan deıin Shymkent qalasy máslıhatynyń kezekten tys besinshi sessııasynda 20 qala turǵynyna «Shymkent qalasynyń qurmetti azamaty» atanǵyn berý máselesi qarastyrylyp, ol usynys qabyldanǵan edi. Olar shahardyń damýyna eleýli úles qosqan kásipkerler, zeınetker ustazdar men professorlar jáne t.b sala mamandary. Óz ómirlerin qalanyń damýyna arnap, aıanbaı eńbek etken, atalmysh ataqqa laıyq tulǵalar.
Shymkent qalasynyń ákimi Murat Áıtenov osynaý marapatqa ıe bolǵandardy quttyqtap, izgi tilegin bildirdi.
"Elbasynyń tarıhı Jarlyǵyna sáıkes, 2018 jylǵy 19 maýsymda Shymkent qalasy respýblıkalyq mańyzy bar qala statýsyna ıe bolǵan edi. Odan beri tup-týra 3 jyl ýaqyt ótti. Qala kúni – ótkendi saralap, búgindi baǵalap, erteńge boljam jasaıtyn mereıli mereke. Sońǵy 3 jyldyń kórsetkishterine zer salsaq, bul kóregen sheshim qalanyń ekinshi tynysyn ashty dep aıtýǵa ábden bolady. Birinshiden, qala bıýdjeti 3,6 esege ósip, 131,2 mlrd teńgeden bıyl 481 mlrd teńgege jetti. Investıııa kólemi sońǵy úsh jylda eki esege jýyq ósip, 214 mlrd teńgeden bıyl 400 mlrd teńgege jetedi. 2025 jylǵa deıin qaladaǵy negizgi ınjenerlik ınfraqurylym máselesi sheshiledi. 3 jyl buryn 402,5 myń sharshy metr turǵyn úı berilse, bıyl bir mıllıonǵa jetkizýdi josparlap otyrmyz", - dedi ol.
Is-shara barasynda qala ákimi «Shymkent qalasynyń qurmetti azamaty» atanǵan jandardy marapattady. Artynsha merekelik konert bolyp, oǵan tanymal óner juldyzdary qatysty. Shymkent qalasy respýblıkalyq mańyzy bar úsh qalanyń qataryna qosylyp, megapolıs ataǵyn alǵan qalanyń biri.
"Adyrna" ulttyq portaly
