Bul týraly Atyraý oblysynyń ákimi Mahambet Dosmuhambetov Feısbýk jelisindegi paraqshasynda jazdy.
Atyraý oblysynyń ákimi Mahambet Dosmuhametov óz jazbasynda saıası repressııalar halqymyzdyń damýyn tejegeni týraly jazdy.
“Halqymyz myńdaǵan jyldyq tarıhynda talaı alasapyrandy bastan keshirdi. Biraq, ótken ǵasyrdaǵy eń aýyr náýbet pen zobalań ulttyń jadynda jattalyp, ulttyq tarıhtyń qaraly paraqshasyna qandy jaspen jazyldy. Qazaq halqynyń qaımaqtaryn repressııaǵa ushyratý, jappaı saıası qýǵyn-súrgin, ata kásipten ada ete otyryp asharshylyq jasaý adamzat tarıhyndaǵy úlken soıqandardyń biri. Túrli jala jabylyp, jazyqsyz zardap shegip, túrmege qamalyp, atý jazasyna kesilip, eriksiz jer aýdarylǵan júz myńdaǵan jazyqsyz jandardyń taǵdyry úlken tarıhı ádilettelikti talap etedi”, – dep jazdy.
Sondaı-aq, Memleket basshysy Qasym-Jomart Toqaevtyń tapsyrmasymen saıası qýǵyn-súrgin qurbandaryn tolyq aqtaý men asharshylyq taqyrybyn tereń zertteý jumystary jasalyp jatqandyǵyn atap ótti.
“Ulttyq elıtany jalmaǵan saıası repressııalar halqymyzdyń damýyn tejep, áleýetin álsiretti. El bolyp eńse tiktep, ult bolyp uıysý proessin tutas ǵasyrǵa shegerdi. Búginde ótkendi zerttep, bolǵan oqıǵalardyń aqıqatyn anyqtaýǵa basa kóńil bólinýde. Elbasy Nursultan Nazarbaevtyń saıasaty arqasynda Táýelsizdik jyldary tarıhı aqtańdaqtar ashylyp, shynaıy shejiremiz jazýǵa kiristik. Qazirgi kezde Memleket basshysy Qasym-Jomart Toqaevtyń tapsyrmasymen saıası qýǵyn-súrgin qurbandaryn tolyq aqtaý men asharshylyq taqyrybyn tereń zertteý jumystary jasalýda. Jazyqsyz jazalanǵan jandardy aqtap, qurban bolǵan ulylarymyzdy ulyqtap, kezinde bosqyn bolǵandardyń urpaqtary tarıhı Otanǵa oralýda. Bunyń barlyǵyn tarıhı ádilettilikti qalpyna keltirý dep esepteımiz. Ótkenin bilmegen, bolashaǵyn boljaı almaıdy degen. Sondyqtan, tarıhymyzdyń tek jeńisti kezderi ǵana emes, qaraly kezeńderin de jadymyzda saqtap, ótkenniń sabaǵyn jas býynǵa durys jetkizýimiz kerek. Saıası qýǵyn-súrgin men asharshylyq qurbandarynyń rýhyna taǵzym etip, sol bozdaqtar armandaǵan Táýelsizdikti baıandy etý – búgingi urpaqqa paryz. Egemendigimiz máńgilik, halqymyz aman bolsyn!” , – dep jazdy oblys basshysy.
