Jenevada ótken press-konferenııada Pýtın jýrnalıstterdiń suraqtaryna jaýap berdi. Onda Pýtınge Ýkraına máselesi boıynsha, Arktıka máseleleri boıynsha, basqa da álemdik masshtabtaǵy saıası jaǵdaılar boıynsha suraqtar qardaı jaýdy. Pýtın jýrnalıstter tarapynan qoıylǵan suraqtarǵa jaýap bere otyryp, qatty qobaljydy.
Ýkraınaǵa qatysty suraqtarǵa Ýkraınany kinálaı sóıledi. Ol óz sózinde:
«Biz shekara mańynan ózimizdiń áskerı tehnıkalarymyzdy alyp kettik. Biraq Ýkraına áskerin sol boıy shekara mańyna qaldyrdy. Ýkraına AQSh pen Eýropaǵa arqa súıedi.
AQSh-ta ár kúni atystan adam ólimi bolady. Sondyqtan da AQSh álemdegi demokratııa boıynsha sóz qoızǵamaı-aq qoısyn. AQSh Aýǵanstanǵa da adam quqy men demokratııany jeleýtelip, basyp kirdi. Qanshama qan tógildi. Biraq AQSh ony moıyndamaıdy. Bárin ıslamdyq ekstremıstterge aýdara salady.
AQSh Gýantanama túrmelerinde de talaı qylmystardy júzege asyryp otyr. Ony halyqaralyq BAQ-tarǵa shyǵarmaıdy. Gýantanamadaǵy azaptaýlar AQSh-tyń ustanǵan demokratııasy ma?
AQSh Irakqa da Aýǵanstandaǵy senarııdi qoldandy. AQSh-tyń demokratııasy men adam quqyn qorǵaýy osy ma?
Biz Arktıkany halyqaralyq sharttar men talaptarǵa saı paıdalanyp kelemiz. Al, AQSh bolsa Arktıkaǵa tikeleı basa kóktep kirmek. 1882 jyly Arktıkany paıdalanýdyń arnaıy konvenııasy qabyldanǵan. AQSh bul konvenııada kórsetilgen sharttardy buzyp otyr.
AQSh-taǵy prezıdent saılaýy boıynsha aıta keteıin. AQSh prezıdent saılaýy kezinde Reseı tarapynan kıber shabýyldar boldy dep Reseıdi aıyptaýmen keledi. Biz ony joqqa shyǵaramyz. AQSh-ta prezıdent saılaýy ádil ótti deı almaımyn. Donald Tramptyń jaqtaýshylaryn qýdalap, 400 adamǵa qylmystyq is qozǵady. Osy ma demokratııa?..."
Halyqaralyq BAQ-tardyń jýrnalıstterine jaýap bererde Pýtın osy negizgi máselelerdi atap ótti. Biraq qatty qobaljydy.
Bekbolat QARJAN,
"Adyrna" ulttyq portaly
